1 Ti‑ꞌmô‑ꞌthiêu 2 - Tai Dam

Tơn ꞌviạk đé so Chảu Pua ꞌPhạ

¹ Cón mết, ꞌpo tơn hảư ꞌsúm ꞌhốm khớn ꞌcáu đé so đảy ꞌdọn Chảu Pua ꞌPhạ ꞌpưa mết ꞌchu#ꞌcốn,

² báu#ꞌva phủ pên#pua, ꞌtếng#cá ꞌchu ꞌcốn ꞌmí chức ꞌmí#ꞌquiến. ꞌSúm ꞌháu chắng ꞌchí đảy dú ꞌtiêng an kin đi dú đi ꞌtoi ꞌluống ꞌtáng ꞌpẹk saư ꞌnéo nể dăm Chảu Pua#ꞌPhạ.

³ ꞌDệt ꞌnéo ꞌnặn pên ꞌviạk đi sôm chaư Chảu Pua ꞌPhạ phủ hảư ꞌsúm ꞌháu ók khói sia báp#ꞌsội.

⁴ ꞌTan chảu é hảư ꞌchu ꞌcốn đảy khói sia báp#ꞌsội, ꞌhụ chắc ꞌluống ꞌtáng ꞌmen#ꞌtẹ.

⁵ ꞌMí Chảu Pua ꞌPhạ phủ#điêu, ꞌlẹo ꞌmí phủ điêu pên ꞌcốn song cang dú cang ꞌchơng ꞌTan chảu kéng ꞌphắn#ꞌcốn, ꞌmen Chảu ꞌGiê‑ꞌsu ꞌKha‑ꞌlịt phủ pên#ꞌcốn.

⁶ ꞌTan chảu ꞌchịu ꞌváng sia#ꞌchua, pên ꞌca tháy au báp ꞌsội ꞌcốn ꞌtếng#cá, ꞌnặn lỏ ꞌquám pên chứng ꞌchọp ꞌnhám hảư ꞌháu ꞌhụ chắc Chảu Pua ꞌPhạ é hảư ꞌchu ꞌcốn ók khói sia báp#ꞌsội.

⁷ ꞌPưa ꞌsướng ꞌnặn chắng téng hảư ꞌpo pên ꞌlam ꞌchạư páo#kháo, ꞌsáy bók son hảư ꞌcốn táng ꞌphắn ꞌhụ ꞌchưa ꞌluống ꞌtáng ꞌmen#ꞌtẹ. ꞌQuám ꞌpo ꞌvạu ꞌnị ꞌmí ꞌtẹ báu#bẻo.

⁸ ꞌSướng ꞌnặn ꞌpo é hảư ꞌpứng phủ ꞌchái dú nẳng ꞌsúm ꞌhốm ꞌchu bón ꞌchu ꞌti ꞌmí chaư ꞌpẹk saư ꞌnhống ꞌmứ đé so Chảu Pua#ꞌPhạ, ꞌnhá pút nhay ꞌcại#căn.

Tơn ꞌluống kin dú phủ ꞌnhính

⁹ ꞌPo ꞌcọ é bók ꞌpứng phủ ꞌnhính#máư, hảư ꞌnung dỏng ꞌpó#ꞌmo, sôm ꞌpớng sôm#ꞌpó, ꞌnhá dỏng cảu dỏng#phôm, ꞌnhá dỏng ꞌcắm kéng ꞌngọc ꞌhứ#ꞌva sỉn sửa ꞌca#ꞌpéng.

¹⁰ Bók sau ꞌdệt ꞌviạk#đi, hảư sôm pên phủ ꞌnhính ꞌhiạk chảu ꞌhụ nể dăm Chảu Pua#ꞌPhạ.

¹¹ Phủ ꞌnhính pên ꞌnăng dú đi ꞌphắng au ꞌquám bók son Chảu Pua ꞌPhạ kéng sú phép ꞌchu#ꞌnéo.

¹² ꞌPo báu#hảư phép phủ ꞌnhính bók son ꞌhứ#ꞌva ꞌmí phép ꞌquiến ꞌtếng phủ#ꞌchái. Hảư sau dú#đi.

¹³ Cốc ꞌkhoẹk Chảu Pua ꞌPhạ tẳng phủ ꞌchái ꞌchư ꞌA‑đam#cón, lăng ꞌmá chắng tẳng phủ ꞌnhính ꞌchư Ê‑ꞌvá.

¹⁴ ꞌLẹo báu#ꞌmen ꞌA‑đam ꞌchọ phi bẻo#ꞌlứa. ꞌMen phủ ꞌnhính ꞌchọ bẻo#ꞌlứa, chắng ꞌdệt phít ꞌquám sắng Chảu Pua#ꞌPhạ.

¹⁵ ꞌChăm#ꞌva phủ ꞌnhính ꞌmí ꞌsội chếp sép ꞌdọn ók#ꞌlụk, ꞌva sau mẳn chaư ꞌchưa Chảu ꞌGiê‑ꞌsu, ꞌhụ ꞌhặc#ꞌpéng, ꞌmí chaư ꞌpẹk#saư, ꞌhụ hiêm#ꞌmo, sau chắng ꞌchí đảy ók khói sia báp#ꞌsội.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan