Marc 6 - Bibla tu limba Rrãmãnã

Isus Ni-apruchiat tu Nazaret

¹ Apoea Isusul fudzi di aclo shi vini tu tsara a lui, shi ucenitsilji a lui u urmarã.

² Shi cãndu vini Sãmbãta, ahurhi sã li nvitsa tu sinagogã. Shi multsã cãndu lu-avdza, s-ciudisea shi dzãtsea: “Di iu lj-yinã aishtui aesti? Tsi mintiminiljii easti atsea tsi lj-easti datã? Shi cum s-facã aesti thavmati cu mãnjili a lui?

³ Nu easti aestu lemnar, hiljilu ali Marii, fratili al Iacov, shi al Iose, al Iuda shi al Simon? Shi nu sãntu aoa namisa di noi surãrili a lui?” Shi si scandalizeascu ti itia a lui.

⁴ Isusul lã dzãsi a lor: “Nitsiunu prufit nu easti dispretsuit dicãt mashi tu patria a lui, tu soia a lui sh-tu casa a lui.”

⁵ Shi nu pãtu s-facã atsia nitsiunã thavmã, dicãt mashi s-vindicã vãrãndoi lãndzitsã bãgãnda mãna pri nãshi.

⁶ Shi s-ciudisea ti nipistusirea a lor. Isusul imna avãrliga pri hoarili shi li-nvitsa.

Misionul a Doisprãdzãtsilor

⁷ Sh-li acljimã atselji doisprãdzatsi shi ahurhi s-lji pitreacã doi cãti doi sh-u deadi puteari pristi duhurili nicurati.

⁸ Sh-lã dimãndã s-nu ljea tsiva altã pri cali, dicãt mashi unã ciumagã, nitsi trastã, nitsi pãni, nitsi pãradzi tu brãn,

⁹ Ma s-ncalcã mash sandalili shi s-nu bagã doauã pãreclji di tunicã.

¹⁰ Shi lã dsãsi ninga: “Iutsido tsi s-intrats tu unã casã, armãnets aclo pãnã s-fudzit di aclo.

¹¹ Macã niscãntsi nu vã ashteaptã shi nu vã avdã, cãndu s-fudzits di aclo, ascuturats puhlu dit cicioarili-a voastri, ca mãrtirii contra-a lor. [Dealihea vã dzãc cã dzua a giudicarãljei Sodoma shi Gomora va si s-veadã cu ma multã lishuredz dicãt atselu i think socãsãbã.]”

¹² Ashã atselji s-dusirã shi-u predica a oamnjilor tsi s-mitãnjiuseascã

¹³ Shi aĝuneascã mults demonji shi aungã cu untulem mults lãndzitsã shi-li vindica.

Moartea al Ioan Pãtidzãtorlu

¹⁴ Tora amirãlu Herod avdzã si sbura di Isusul cã numa a lui eara faptã cunuscut shi elu dzãsi: “Ioan pãtidzãtorlu s-inje dit mortsã, trã atsea pri nãsu ma lucreazdzã putearili cu mari ciudii.”

¹⁵ Niscãntsã altsã dzãtsea: “Easti Ilia.” Shi niscãnts altsã dzãtsea: “Easti un prufit icã un di prufitsilji.”

¹⁶ Ma cãndu Herodul li avdzã tuti atseali, dzãsi: “A Ioanlui, u cui lji tãljai caplu, s-inje dit mortsã.”

¹⁷ Cã Herodul avea datã ordin s-acãtsa Ioanulu shi s-tsãnea ligatã tu hapsi ti itia a Herodiadãljei, muljeara al Filip, fratli a lui, cãtse lu avea loatã ti muljearã.

¹⁸ Ioanlu lj-dzitsea al Herod: “Nu ai ndreptate s-ai muljearea a fratilui a tãu.”

¹⁹ Shi Herodiada lu aura shi vrea s-lu vãtãma, ma nu putea.

²⁰ Herodul s-afirea di Ioanlu tsi lu cunushtea ca om ndrept shi sãmtã, shi lu apãra, shi dupã tsi avdza multi lucri di nãsu, fãtsea multi lucri, shi lu asculta cu vreari.

²¹ Ma vini dzua tsi lipsea shi Herodul, tu dzua a amintariljei a lui adãrã uspetsi ti mãrilji a lui, capitãnjilji shi tinjisitsilji a Galileiljei.

²² Intrã hiljea a Herodiadãljei, giucã sh-lji arãsi al Irod shi a lor tsi shidea deadun cu nãsu la measã, atumtsea amirãlu lji-dzãsi a featiljei: “Caftã-nji itsi vrei shi mini va tsã dau.”

²³ Shi lji si spigiurã: “Itsido tsi va nji caftsã va tsã dau, pãn la giumitatea a amirãriljei-a mea.”

²⁴ Ea inshi afoarã sh-lji dsãsi a mumãljei: “Tsi prindi s-lji caftã?” Shi ea apãndisi: “Caplu al Ioan Pãtidzãtorlu!”

²⁵ Ea s-turnã trãoarã la amirãlu shi lji-cãftã aĝonjea: “Mini voi tsi tini s-nji dai trãoarã tu tãpsii caplu al Ioan Pitidzãtorlu.”

²⁶ Shi amirãlu cu tutã cã s-nvirinã multã di aestã, nu vrea s-arnisea ti itia cã eara spigiuratã shi ti tinjia a acljimatsilor.

²⁷ Ashã trãoarã amirãlu pitricu unã avigljitor s-lji aducã caplu al Iaon.

²⁸ Shi elu s-dusi tu hapsi, lj-tãljã caplu shi lji lu-adusi pri unã tãpsii, lji lu deadi ali feati shi feata lju deadi a mumãljei.

²⁹ Cãndu ucenitsilji al Ioan li avdzãrã aesti, vinirã, loarã truplu a lui shi lu bãgarã tu murmintu.

Prota Multsirea a Pãnjilor

³⁰ Tora apostoljilji s-adunarã ningã Isus shi lji spusirã tuti atseali tsi avea faptã shi tsi lj-avea nvitsatã.

³¹ Shi elu lã dzãsi a lor: “Haidets tu un loc tu irnjii shi discurmats-vã.” Cã oamnjilji tsi yinea shi s-dutsea eara ahãnt multsã cãt nu avea chiro di mãcari.

³² S-nchisirã cu unã varcã cãtrã un loc ermu shi dipãrtat.

³³ Ma cãt multsãmea lã vidzu tsi s-nchisirã, multsi di atselji lu cunuscurã, sh-di tuti cãsãbadzli vinirã aclo pi cicioari shi agiumsirã dininti a lor shi s-adunarã avãrliga di nãsu.

³⁴ Cãndu Isus inshi dit varcã, vidzu unã multsãmi marã shi ljã-vini rãu, cã era ca oili fãrã picurar. Shi ahurhi s-lã nveatsã multã lucri.

³⁵ Shi cum tricu mult chiro, ucenitsilji a lui s-apruchearã shi lji-dzãsirã: “Aestu loc easti ermu shi tora easti amãnatã.

³⁶ Dã-lã cali aishtoru oaminji si s-ducã tu cãmpurili shi hoarili di avãrliga tsi s-acumpãrã pãni, cã nu au tsiva ti mãcari.”

³⁷ Iar elu apãndisinda lã dzãsi a lor: “Dats-lã voi s-mãcã!” Shi elji lji-dzãsirã: “Prindi s-nidzem noi s-acumpãrãm cu doauã sutã di denari shi s-lã dãm ti mãcari?”

³⁸ Shi elu lã dzãsi a lor: “Cãt pãnji avets? Imnats-vã shi mutrits!” Dupã cã vidzurã dzãsirã: “Tsintsi pãnji sh-doi peshtsã.”

³⁹ Atumtsea elu deadi ordinã a lor tsi s-li ndreagã tuts, apunats pi grupuri pri yiarba veardã.

⁴⁰ Ashã atselji s-apunarã tu grupuri cãti unã sutã sh-cãti tsindzãtsi.

⁴¹ Apoea elu lo tsintsi pãnjili shi doi peshtsãlji, sculã ochljilji cãtrã tser, ghinicuvãntã, li pãrtsã panjili sh-u deadi a ucenitsilor a lui, tsi s-u pãrtsa a lor, tutashã u pãrtsã a lor shi peshtsãlji.

⁴² Tuts mãcarã pãn s-fãntirã

⁴³ Shi adunarã doisprãdzatsi di cãneastri cu sãrmi di pãnji shi cu armãnturi di peshtsã.

⁴⁴ Atselji tsi mãcarã pãnjili eara tsintsi njiljã di bãrbats.

Isus Imnã Pristi Apã

⁴⁵ Trãoarã Isusul lã ursi ucenitsilji a lui s-intra tu varcã shi si s-ducã tu alantã parti cãtrã Betsaida, pãn-cãnd elu s-alãsa s-dispãrtsea mutsãmea.

⁴⁶ Macãt li salutã, elu s-alinã tu munti ti pãrãcãlsiri.

⁴⁷ Cãndu tunicã varca eara namisa di amari shi elu singur eara pri uscatã.

⁴⁸ Cãndu li vidzu ucenitsilji, elji ma s-pidipsea nãftãnda, cã yinea vintu contra lor. Tu a patrulu avigljitor a noaptãljei Isusul s-nchisi cãtrã nãshi imnãnda pri amari shi elu vrea s-li tritsea.

⁴⁹ Ma elji, cãndu lu-vidzurã cã ma tritsea pri amari, mintuirã cã eara unã fantazmã shi ahurhirã sã aurlã.

⁵⁰ Cã tuts lu vidzurã shi eara lãhtãrsitsã, ma elu trãoarã ahurhi s-greascã cu nãshi, sh-dsãsi: “Curaiu! Mini escu, nu vã-aspãrats!”

⁵¹ Dapoea s-alinã tu varcã cu nãshi shi vimtul pãpsi. Shi atselji armasirã ciudisits shi si thãvmãtisirã.

⁵² Cã nu lu-avea aduchitã thavma a pãnjilor cãtse inima a lor eara chitrisitã.

⁵³ Dupã tsi tricurã, agiumsirã tu loclu a Ghenezaretlui, shi aclo u-ligarã varca.

⁵⁴ Shi cãndu ishirã dit varcã, oaminjilji lu-cunuscurã dinãoarã.

⁵⁵ Shi trãcãnda trãoarã pisti tutã locurili di avãrligã, ahurhirã s-aducã tuts lãndzitsilji pri paturi iutsido tsi avdza cã s-afla.

⁵⁶ Shi iutsido tsi elu yinea, tu hoari, tu cãsãbadz icã tu mãhãladz oaminjilji bãga lãndzitslji tu padi, shi lu pãrãcãlsea tsi s-bãga mãna pi stranjili a lui. Sh-tuts atselji tsi bãgarã mãna s-vindicarã.