Marc 12 - Bibla tu limba Rrãmãnã

Ayinjitorlji Arãlji

¹ Sh-deapoea apãrnji s-lã greascã cu parabolã: “Un om siminã un ayinjã, u avãrligã cu gard, adãrã unã loc di zdruminari aua, adãrã un pirĝu trã vigljari sh-lu alãsã a niscãnts ayinjitorilor shi deapoea s-dusi diparti.

² Shi tu chirolu a cutseariljei pitricu un sclav la ayinjitorlji di loari di nãsh un parti di auã a-ayinjiljei.

³ Ma elji lu-acãtsarã, lu bãturã sh-lu turnarã cu manjili goali.

⁴ El pitricu nãpoi un altã sclav, ma elji dupã tsi lu-agudirã cu chetri, lu pliguirã tu cap sh-u turnarã rushinat.

⁵ Nãpoi pitricu ninga un altã, ma elji lu vãtãmarã. Ma nãpoi pitricu mults altsã shi di aeshti mults li-bãturã, shi alantsilji lã-vãtãmrã.

⁶ Lj-arãmasi ninga un di pitritseari: hiljilu a lui vrut. Tu soni l-pitricu atselu dzãcãnda: ‘Ti hiljilu a meu va s-aibã respect.’

⁷ Ma ayinjitorilji dzãsirã unu cu alantu: ‘Aestu easti clirunomlu, hai s-lu vãtãmãm shi s-nã armãnã a nauã clirunumia.’

⁸ Sh-lu acãtsarã, lu-vãtãmarã, shi lu-arucarã nafoarã di ayinji.

⁹ Tsi va s-facã domnul a-ayinjiljei? Elu va s-yinã shi va s-li cheardã ayinjitorlji shi ayinjea va s-lu-da a alantsilor.

¹⁰ Ma nu lu-avets ghivãsitã aestã scritura: ‘Cheatra tsi muritorlji lu-arucarã, s-featsi cheatra a cohilui?

¹¹ Atsea easti faptã di la Domnul shi easti unã thavmã tu ocljilji a noastri.’”

¹² Shi elji cãftarã s-lu acatsã, cã achicãsirã cã elu lã avea dzãsã atsea parabolã contra a lor, ma avea fricã di multsãmea, sh-lu-alãsarã shi fudzirã.

Plãtirea a Taxilor

¹³ Dupã atsea lji-pitricurã niscãntsã Farisei shi Irodianji tsi s-lu acatsã tu zboari.

¹⁴ Aeshti vinirã sh-lji dzãsirã: “Nvitsãtore, noi lu shtim cã tini eshtã dealihea shi nu ntreghi di vãrã, cã nu badzã oarã fãnipsirea a-oamnjilor, ma lji nvetsã calea a Dumnidzãului dupã ndriptatea. Easti ndrept s-plãtesht taxa a Cezarului ama nu? Prindi s-lu plãtim ama nu?”

¹⁵ Ma elu, cunuscãnda ipucrizia-a lor, lã-dzãsi: “Cãtse mi bãgats tu provã? Adutsets-nji un denar tsi s-lu ved!”

¹⁶ Elji lji-adusirã. Shi elu lã dzãsi a lor: “A cui easti aestã fatsã shi aestu priscris?” Elji lji-dzãsirã: “A Cesarului.”

¹⁷ Atumtsea Isus apãndisi sh-lã dzãsi a lor: “Dats-ljã a Cesarului atsea tsi easti a Cesarului, shi a Dumnidzãului atsea tsi easti a Dumnidzãlui.” Shi elji s-ciudisirã cu nãsu.

Sadutselji shi Injearea

¹⁸ Dapoea vinirã niscãntsi Sadutsei cai dzãc tsi nu ari injeari, sh-lu ntribarã dzãcãnda:

¹⁹ “Nvitsãtore, Moisul nã-alãsã scrisã tsi cãndu moari fratili a vãrui shi lu-alasi muljearea ni-fãrã cilimenji, fratili a lui prindi si-nsoarã cu veduva tra s-lji facã dupãyinitori a fratilui.

²⁰ Tora eara shapti frats, protlu si-nsurã sh-muri ni alãsatã cilimenji.

²¹ Lu lo a doilu, ma sh-elu muri ni-alãsat cilimenji, tutashã shi a treilu.

²² Di shaptilji lu loarã di muljearã sh-murirã, shi nu alãsarã clirunonji (dupãyinitori). Shi dupã tuts muri sh-muljearea.

²³ La injearea, cãndu va-s injeadzã, muljearea a cui di nãshi va s-hibã ea? Cã di shaptilji u-avurã muljeari.”

²⁴ Isus apãndisinda lã dsãsi a lor: “Trã atsea voi hits tu cãbati cã nu li-shtits nitsi scriturili nitsi putearea a Dumnidzãului.

²⁵ Cãndu oaminjlji va s-injeadzã dit mortsã, nitsi va si-nsoarã, nitsi va sã-nsoarã, ma va s-hibã ca anghilji dit tser.

²⁶ Cãt di inyiarea a mortsilor, nu avets ghivãsit tu cartea a Moisul cã cum gri Dumnidzãul dit rudz dzãcãnda: ‘Mini escu Dumnidzãlu al Abraham, Dumnidzãlu al Isac, shi Dumnidzãlu al Iacov.’

²⁷ Elu nu easti Dumnidzãlu a mortsãlor, ma Dumnidzãlu a yiilor. Ashã cã voi fãtsets cãbati.”

Ursirea Atsea Marã

²⁸ Shi unlu di scriblji tsi avea avdzãtã zburarea a lor, achicãsãnda cã elu lã avea apãndisitã ghini, s-apruchiã shi lu-ntribã: “Cai easti protlu di tuti ordinãrili?”

²⁹ Shi Isus apãndisi: “Protlu ordin a tutilor easti: ‘Ascultã Israel! Domnul, Dumnidzãulu a nostru easti singurlu Domn.’

³⁰ Shi ‘S-vrei Domnulu, Dumnidzãulu a tãu, cu tutã inima a ta, cu tutã suflitlu a tãu, cu tutã mintea a ta, shi cu tutã putearea a ta!’ Aestã easti protlu ordin.

³¹ Shi a doilu lji-undzeashti aishtui: ‘S-lu vrei aproapi-lu a tãu ca vetea a ta.’ Nu ari altã ordinã ma marã di aesti.”

³² Shi scriblu lji dzãsi: “Ghini, nvitsãtore. Ai dzãsã dupã alihia, cã ari singur un Dumnidzã shi nu ari vãrã altã dicãt elu.

³³ Shi s-lu vrei cu tutã inimã, cu tutã mintea, cu tutã suflitlu shi cu tutã putearea, shi s-lu vrei aproapilui ca vetea a ta, ma multu di cãt olocaustlji shi curbãnjilji.”

³⁴ Isus vidzãnda cã atselu eara apãndisitã cu minti, lji dsãsi: “Tini nu eshti diparti di amirãriljea a Dumnidzãului.” Sh-nitsun altã nu cutidzea s-lu ntriba.

Hristolu, Hiljilu al David

³⁵ Shi Isus nvitsãnda tu templu, dsãsi: “Cum poatã s-dzãcã scriblji cã Hristolu easti Hiljilu al David?

³⁶ Cã mashi Davidul, pri Suflitlu Sãmtu dsãsi: ‘Domnulu lji-dsãsi a Domnului a meu: “Shãdz tu nandreaptea a mea, pãn cãndu s-li facã nemitsilji a tãlji scamnã di cicioarili a tali.”’

³⁷ Mashi Davidul lu acljeamã Domn, cum poati s-hibã hiljilu a lui?” Shi multsãmea lu avdza cu harauã.

Ipucrizia a Scribljilor

³⁸ Shi elu lã dsãtsea a lor tu nvitsitura a lui: “Afirits-vã di scriblji, tsi lã arãsescu s-imnã cu stranji lundzi shi s-li saluteadzã tu padi,

³⁹ shi s-aibã protili locuri tu sinagogã shi protili locuri uspetsi.

⁴⁰ Lã mãcã casili a veduvilor shi tra si s-veadã s-pãrãcãlsescu multu. Elji va s-ljea un giudicari ma greu.”

Oferta a Veduvãljei

⁴¹ Shi Isus s-apunã nãinti di cutia a aishteariljei shi mutrea oaminjli tsi bãga nãuntru denar, avutslji bãga nãuntru ma multu.

⁴² Vini unã veduvã niavutã sh-bãgã doi pãradz njitsi, tsi fac un cuadrant.

⁴³ Shi Isus li-acljimã ucenjitsili a lui ningã nãsu shi lã dsãsi: “Vã dzãc dealihina cã aeastã veduvã niavutã ari bãgat tu cutii ma multu di tuts alantsilji.

⁴⁴ Cã tuts bãgarã nãuntru dit primultulu a lor, ma ea cu ni-avearea a ljei bãgã tutã tsi avea di bãnari.”