Rɔmfuɛ Mun 6 - Nyanmien nde Ufle

Sa te'n ti é wuli, Christ ti ya nyan nguan

¹ ?O man é sé se? ?É ka sa tete yôle'n su nan Nyanmien i aklunyé'n i nyin fité dan?

² É su yô'e i so mlonmlon! ?Sa te'n, ke é wuli bo é nin i a bu'n, o yô se ye éh yôéh ékuon?

³ ?An si'a ke é kwlaa nga bé yôô é baptême nan é nin Christ-Jésus é katyi swran wunmuan'n, ke o wuli'n é ô nun wié?

⁴ I so'n ti, ke é nin Christ wuli é baptême yôle so'n nun bo bé siéé é nin i'n, o man ke é Si Nyanmien Kpli tyenniin'n, é kusu éh tyenh éh nantih adyale ufle su.

⁵ Afin se é nin i katyi swran wunmuan é wié'n b'o ti ke i lie'n sa'n ti'n, i kunngba'n, é nin i éh katyih swran wunmuan é tyenle'n b'o ti ke i lie'n sa'n ti.

⁶ É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

⁷ Afin ke swran'n kô wu'n i nde nu'an sa te yôle nun kun.

⁸ Se é nin Christ ye é wuli'n, é lafi su kpa ke é nin i ye éh tranh kusuo.

⁹ É si ke, ke Christ tyennin'n, o su wu'a kun, wié'n kwle'e kun.

¹⁰ Afin ke o wuli'n, o nin sa te'n bé buli mlonmlon, ye ôle ng'o ô le sien'n, o ô Nyanmien dunman nun.

¹¹ I so'n ti, amun nin Christ-Jésus amun swran wunmuan bo amuan katyi'n ti, amun kusu anh bu amun wun ke an wuli, o man amun nin sa te'n amuan bu, ye an wô Nyanmien dunman nun.

¹² I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

¹³ Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

¹⁴ An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Sa kpa'n ye wa katyi é nzueon

¹⁵ ?Se o ti so'n, éh yôéh se? ?Ke Nyanmien dyra'an mmla'n su ye o sié é, b'o yô é yé titi'n, i so'n ti, éh yôh sa te? É su yô'e i so mlonmlon?

¹⁶ ?An si'a ke sa an fa amun wun man swran kun, bo an katyi i swran, bo amun nyin yii'n, wuun an ti i kanga? O man an kwla fa amun wun man sa te yôle bo i agualie yele wié'n, annze Nyanmien i nyin yile bo i agualie yele swran i swran kpa katyile'n.

¹⁷ Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

¹⁸ Nyanmien déli amun ti nzuen tete'n nun, sa kpa'n ye wa katyi amun nzueon.

¹⁹ Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

²⁰ Afin i nun'n bo sa te'n ti amun nzuen'n, amun nde nu'an sa kpa yôle'n nun.

²¹ ?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

²² Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

²³ Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.