Rɔmfuɛ Mun 5 - Nyanmien nde Ufle

Sa nga ke Nyanmien bu swran swran kpa'n o yô men'n

¹ I so'n ti, Nyanmien a bu é swran kpa i su bo é lafi'n ti, o man sien'n é Min Jésus-Christ ti, é nin i é afien a se.

² I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

³ Nenh i so ngunmin ti ye é wun blibli yéo, sannge sa ng'o to é su'n kusu o man é klun dyo ékun, afin é si ke nyrennen wunle'n man é katyi swran b'o tre i awlen,

⁴ ye é awlen trale so'n nun é yô yakpa, ye é yakpa so'n ti ye é fa é wla'n gua Nyanmien suo.

⁵ Ye é wla bo é fa gua Nyanmien su'n ti é nyin su gua'a asé, afin Nyanmien man i Wawe b'o fa maan yé'n klé é klôle dan nga Nyanmien fa klô yé'n é awlen'n nun wéiin.

⁶ Afin ke é bobo é nian kwla yô'a sa fi'n, ke ble nga Nyanmien siéli'n dyuli'n, bé nga bé srômen'n bé ti Christ wuli.

⁷ Ke swran kun wu swran kpa kun ti'n, i sofue'n nyanle ti kéklé, sannge wiénuon swran wié treh i awlen wu swran klunufuéfue kun ti.

⁸ Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

⁹ I so'n ti, se nde i mmôdya'n ti Nyanmien a bu é swran kpa'n, tyen nga Nyanmien i ya'n dyaô'n, i ti éh nyanh é ti kpe blu.

¹⁰ Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

¹¹ Nanh é ti déle so'n ngunmin tio, sannge Nyanmien man é klun dyo é Min Jésus-Christ bo i fanngan nun ye é nin Nyanmien é afien a se sien'n ti.

Adam nin Christ

¹² I so'n ti, anh nian. Swran kun ti ye sa te yôle'n baa men'n nuon, ye sa te so'n ti ye man wié'n balio. I ti ye man wié'n wô swran kwlaa bé suo, afin bé kwlaa bé yô sa te.

¹³ Ke Nyanmien feh i mmla'n man'n, wuun sa te'n wô men'n nun wa, sannge ke mmla nu'an le'n, bé bu'a sa nga swran yô'n ke o ti te.

¹⁴ Sannge ke o fin Adam ble su lélé fa dyu Moïse ble su'n, kannze sa nga swran wié'm bé yôli'n o ti'a ke Adam b'o toon mmla'n i lie'n sa'n, sannge wié'n kwla bé kwlaa.

¹⁵ Sannge sa nga Adam yôli'n nin liké dan nga Nyanmien fa tye yé'n, bé dan seman. Nanwle, swran kpanngban ba wu swran kun i sa lie'n b'o yôli'n ti. Sannge yé nga Nyanmien yô yé'n i dan tre fatifati, ye liké ng'o fa tye swran kpanngban Jésus-Christ kusu i klunyé'n ti'n, i kpa tre.

¹⁶ Liké nga Nyanmien fa tye'n, o nin sa nga swran kun yôli'n, bé agualie ti'a kun. Afin sa nga swran kun so'n yôli'n o man Nyanmien bu swran'm bé fo, sannge kusu liké nga Nyanmien fa tye yé'n ti, o man o bu bé bo bé yôli sa te kpanngban kpa'n bé swran kpa.

¹⁷ Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

¹⁸ I so'n ti, ke Nyanmien fa swran kun i sa ng'o yôli'n i longle tyii swran'n kwlaa'n, i kunngba'n, swran kun i sa kpa ng'o yôli'n o man Nyanmien bu swran'm bé kwlaa bé swran kpa, o man béh nyanh nguan.

¹⁹ Ke swran kun i nyin kéklé'n ti o man swran kpanngban bé katyii sa te yôfue'n, swran kun kusu i ainyie'n ti, o man swran kpanngban béh katyih swran kpa.

²⁰ Ke o yô nan sa tete'n wa son'n, i ti ye mmla'n wa kpen afien leo, sannge lika nga bé yô sa tete kpanngban le'n, le ye Nyanmien i aklunyé'n i nyin fité daan.

²¹ O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.