Matthieu 28 - Nyanmien nde Ufle

Jésus i tyenle

¹ Ke sabbat b'o ti bé tyen te'n sinnin'n, monnen'n b'o ti lé motyue'n i tyen ba klikli'n i ndyennien su, Marie b'o fin magdala'n o nin Marie kun'n bé oo ndia'n i nianle.

² Kpekuun asie'n kédyéé dan kpa, afin é Min Nyanmien i ange kun fin nyanmien su lo dyrali, o kôndôô yebue bo bé fa nyin ndia i anuan'n, o traan su.

³ I wun'n kpadya ke nyanmien kpasin sa, ye i trale'n fen fitafita ke nyanmien ufué sa.

⁴ Sre kuun sôndya mun dan kpa, bé wun usu bé, nan ba katyi ke ba wu sa.

⁵ Sannge ange'n séé bla'm bé ke: Amun lie'n, nanh sre kun amun, afin n si ke an su kunnde Jésus bo bé bôbôlii waka'n su'n.

⁶ O nu'an wa, wa tyen ke o kan kléli amun ke oh tyenh'n sa. Anh bla'a nian lika ng'o laa nun'n,

⁷ nan anh wo trelele kô kan klé i sonnzonfue mun ke wa tyen. Wa dun mmua amun nyrun Galilée lo, lo ye amunh wunh io. Ye man kan klé amun leo.

⁸ Sre'n nin aklundyué'n kun bé kpô, nan ba dyaô ndia'n su le ndende ke béh kôh kan dyasin so'n klé i sonnzonfue mun.

⁹ Kpekuun Jésus fitéé bé nyrun atin'n nun, o sé bé ke: Amun ain ô! Bé wunngéé i wun le, bé kôtôô i bô, bé tree i dya'n.

¹⁰ Ye Jésus sé bé ke: Nanh sre kun amun, anh wo kô sé n niaan'm bé ke bé o Galilée lo, lo ye béh wunh mion.

Nde nga ndia sunianfue'm bé wa kannin'n

¹¹ Ke bé te ô atin'n nun'n, sôndya'm bé wié baa klo le, bé wa kan sa kwlaa ng'o yôô lo'n kléé Nyanmien nyrun dyranfue dandan mun.

¹² Ke Nyanmien nyrun dyranfue dandan nin kpenngben'm bé yiali bo bé wuun bé wun'n, bé maan sôndya'm bé sika louun kpa,

¹³ bé sé bé ke: Anh sé ke: Ke éh lafih kongue'n, i sonnzonfue'm bé wa fee i fuen'n.

¹⁴ Se kpenngben'n ti nde so'n éh kpeteh, éh déh amun, o su klé'a amun yale.

¹⁵ Sôndya'm bé soo sika so'n nun, nan ba yô ke bé kan kléé bé ke bé yô'n sa. Bé nde so'n truu Juif'm bé nun lélé fa dyu nde.

Ngalie bo Jésus nin i sonnzonfue'm bé dili'n

¹⁶ Jésus sonnzonfue blu-nin-kun'n bé oo Galilée ôka'n b'o kléé bé'n su.

¹⁷ Ke bé wunniin'n, bé kôtôô i bô, sannge bé wié'm ba lafi'a su kpa.

¹⁸ Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

¹⁹ I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

²⁰ Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.