Hébreu 7 - Nyanmien nde Ufle

Nyanmien nyrun dyranfue Melchisédek

¹ Melchisédek so'n ti Salem famien nin Nyanmien bo liké fi nu'en i sin'n i nyrun dyranfue. Ke Abraham fin famien'm bé kunle b'oh bah'n, o kpe i atin, nan wa yre i nguan.

² Ye Abraham fa liké kwlaa ng'o nyenniin'n i blusu'n (*f16*) menniin. I dunman'n i bô kun yele famien b'o yô sa i nuan su, ye kun ékun yele Salem i famien bo i bô yele aladyé'n i min.

³ Bé si'e i si, nin i nin, nin i nannan, ya kenngenmen i nde ke bé wulii, ye o wuli. O ti ke Nyanmien Wa'n sa, o man oh keh i Nyanmien nyrun dyranle'n su tititi.

⁴ Anh nian bian so'n i nyrun b'o le io! Afin Nannan Abraham bobo fa liké ng'o nyenniin ale'n nun'n i nun kpakpafue'n i blusu'n menniin!

⁵ Lévifue'm bo bé di Nyanmien nyrun dyranle dyunman'n, kannze bé nin bé niaan Israël'm bé kwlaa bé ti Abraham anunman'n, bé klee mmla'n nun ke bé dé bé bé ti Abraham anunman'n, bé klee mmla'n nun ke bé dé bé ninngé'm bé blusu'n.

⁶ Sannge Melchisédek b'o fi'an Lévi ôsu'n nun'n, o fali Abraham i ninngé'm bé blusu'n, nan wa yra Abraham bo Nyanmien séé i ke, oh yôh liké kpa men'n i nguan!

⁷ Se swran ng'o le nyrun'n o yra ng'o le'a nyrun'n i nguan'n, akplôwa nu'an su.

⁸ Nyanmien nyrun dyranfue bo bé fa ninngé'm bé blusu'n, bé ti swran bo bé wu, sannge Melchisédek lie'n, bé klee Nyanmien Nde'n nun ke i b'o wuman'n, ye o faa ninngé'm bé blusu nion.

⁹ Se bé waan béh nienh sa'n, wuun éh séh ke Lévi b'o fa ninngé'm bé blusu'n, ke Abraham yii i blusu lie'n, o yii wié,

¹⁰ afin ke Melchisédek kôh kpa Abraham atin'n, wuun i nannan nian wu'e i si.

¹¹ Mmla nga Nyanmien fa maan Israël mun'n o taka Lévifue'm bé Nyanmien nyrun dyranle'n su. Se o ti ke bé dyunman nga bé dili'n o yôô yé, b'o man swran'm bé yô kpa'n, wuun Nyanmien nyrun dyranfue ufle b'o fi'an Aaron ôsu'n nun, b'o ti ke Melchisédek sa'n wa ba'a kun.

¹² Afin ke bé kô katyi Nyanmien nyrun dyranle i wafa'n, san béh katyih mmla'n kusu.

¹³ Swran nga é ken i nde wa'n o fin ôsu ufle nun, bo i ôsufue fi nian di'a Nyanmien sowle lo dyunman lé.

¹⁴ Afin swran'n kwlaa bé sii wéiin ke é Min'n fin Juda ôsu bo Moïse a ka'an Nyanmien nyrun dyranfue fi nde ôsu so'n nun le'n nun.

¹⁵ Ke Nyanmien nyrun dyranfue ufle b'o ti ke Melchisédek sa'n bali'n, o man sa so'n i nyin fitéé wéiin.

¹⁶ Ke béh siééh'n, ba nia'an mmla ng'o klé swran wafa'n su ye bé siéé io, sannge anannganman nguan'n b'o le b'o man o kwla'n ti ye bé fe siélio.

¹⁷ Afin bé klelii Nyanmien Nde'n nun ke: «A ti Nyanmien nyrun dyranfue bo ah kah le titi ke Melchisédek lie'n sa.»

¹⁸ O man bé yatyii mmla klikli lie'n, afin i su fale'n kwla'a liké fi yô, o ti ngben,

¹⁹ o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

²⁰ Nyanmien taa nda ye o fe siéé i nyrun dyranfue nion,

²¹ sannge bé nga'm bé lie'n, wa ta'a nda ye bé siéé béo. Sannge Jésus lie'n, Nyanmien b'o fe siéli'n, o taa nda ye o fe siélio, afin o sé ke: «É Min'n wa ta nda, o su katyi'e i akunndan'n, a ti Nyanmien nyrun dyranfue bo ah fah le tititi.»

²² I so'n ti, Jésus man é si ke sa nga Nyanmien sé ke oh yôh man yé'n ti kpa, tra laa lie ng'o yôli'n.

²³ Ye kusu Nyanmien nyrun dyranfue nga mun bé sié bé kpanngban, afin wié'n man bé tyeman bé dyunman'n su,

²⁴ sannge Jésus lie'n, ke o wuman'n ti, i Nyanmien nyrun dyranle'n bé su fa ma'an swran ufle

²⁵ I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

²⁶ Nanwle, Nyanmien nyrun dyranfue dan nga ya nyen ye'n, ye é kunnde nion. O ti Nyanmien lie tyrôlôlô, sa te kaan sa nu'en i wun, o nin sa te yôfue'm bé sa'an nun, Nyanmien meen i tranwle kpa nglô mmuamua lo.

²⁷ O nin Nyanmien nyrun dyranfue dandan nga mun ti'a kun, o yô'a sa te fi, o man o bô'a e so'a Nyanmien i bobo ti nan wa soe swran'm bé ti, ke bé nga'm bé yôé tyen'n kwlaa'n sa. Ke o fe i wun mannin'n, o soli Nyanmien kpe kunngba o wiéli.

²⁸ Bé nian mmla'n su bé fa swran'm bo bé kwla yô'a liké fi'n sié Nyanmien nyrun dyranfue dan, sannge ke mmla'n wô le lélé'n, nde nga Nyanmien wa ta nda kannin'n ti o fe i Wa'n b'o ti kpa lélé gue i ti nin i bô'n, siéé i nyrun dyranfue dan.