Hébreu 4 - Nyanmien nde Ufle

¹ Man é nian é wun kpa, afin Nyanmien sé ke, éh dih aladyé. I so'n ti, nanh mon o yô ke amun nun wié wa di'a aladyé so'n wié.

² Afin dyasin fe nga bé kan kléé bé'n, bé ken i kunngba'n kléli é kusu, sannge nde nga bé tili'n bo ba lafi'a su'n ti, ba yô'a kpa.

³ Sannge é bo é lafi i su'n, é su di aladyé so'n bo Nyanmien keen i nde ke: «I so'n ti n fa ya, n tali nda ke: Bé su dyu'a n lika nga bé di aladyé lo'n nun mlonmlon'n.» O séli so, sannge ke o yili men'n ye i dyunman'n wiélio.

⁴ Afin bé klee tyen ba nsô su'n i nde Nyanmien Nde'n nun lika wié ke: «Ke Nyanmien dii dyunman lélé i lé nsô su'n o déé wunmien.»

⁵ Ye nde ng'o keen laa'n, o ken i wa ékun ke: «Bé su dyu'a n lika nga bé di aladyé lo'n nun mlonmlon.»

⁶ Bé nga bé dun mmua tii dyasin fe so'n, ba dyu'a lika so'n nun, yele ke ba lafi'a su. Bé wié kusu ô le bo Nyanmien man bé di aladyé so'n.

⁷ I so'n ti ye Nyanmien sié tyen ufle kun ékun ke: Ndeken. Ke o siéé tyen so'n b'o tye lélé'n, o man David ken i nde bo é keen i nde ityra'n ke: «Se ndeken an ti nde nga Nyanmien kan'n, Nanh an yô nyin kéklé i su.»

⁸ Afin se Josué man bé dii aladyé'n, wuun Nyanmien a ka'an tyen ufle nde kun.

⁹ I so'n ti, Nyanmien swran'm bé aladyé dile sakpa'n b'o fa wunmien nga Nyanmien déli lé nsô su'n, o te ô bé nyrun.

¹⁰ Afin swran nga Nyanmien man o di aladyé'n, o yatyi i dyunman'n dé wunmien ke Nyanmien wié i lie'n di o déé wunmien'n sa.

¹¹ I so'n ti, man é mian é wun nan é di aladyé so'n, nan swran fi a yô'a nyin kéklé i su b'o man o di'a aladyé ke bé lie'n saa.

¹² Afin Nyanmien nde nga o kô kan'n, wuun wa kan o katyimen, o man swran'm bé katyi. Se é kwla sa'n

¹³ Liké fi nu'an le bo Nyanmien wunmen io. Liké kwlaa nga o yii bé'n wié fi fiemen i nyrun, i nyin ta bé. I dyasu ye é kwlaa éh kanh sa nga é yôli nion.

Jésus-Christ ti Nyanmien nyrun dyranfue dan

¹⁴ É le Nyanmien nyrun dyranfue dan kpa kun, o oo lélé dyu Nyanmien bobo nyrun lo, yele Jésus Nyanmien Wa'n. I so'n ti, liké nga é lafi su'n, man é lafi su kpa.

¹⁵ Afin Nyanmien nyrun dyranfue nga é le'n, o ti'a swran b'o si'a ke é kwla'a liké fi yôo, afin bé fa liké kwlaa nga bé fa lakaa yé'n bé fa leke i wié, sannge wa yô'a sa te lé.

¹⁶ I so'n ti, man é fa é wla gua Nyanmien su é wunngé i bia'n bo bé ko loo bé nyan yé'n i wun lo nan o si é aunnvue, nan ble nga é sa mian'n, o yô é yé, o ti é wun nyanman nun.