Hébreu 2 - Nyanmien nde Ufle

Ti nyanle

¹ I so'n ti, man é fa nde nga é tii bé'n sié é klun kpa tra laa'n, se ya yô'a soo o tyeman nan ya tô a fuan atin'n.

² ?Se nde nga ange'm bé kannin'n o kpeen su, ye sa te nin nyin kéklé kwlaa bo bé yôli'n, bé wunnin i sin'n,

³ wuun se é kpa sa nga é yôo éh nyanh é ti'n su'n, éh yôh se ye éh fitéh nuon? É Min'n bobo dun mmua kan é ti nyanle so'n i nde, ye bé ng'o kannin bo bé tili'n, bé kan kléé é wéiin ke o ti nanwle.

⁴ Ke Nyanmien yi atre, b'o yô abônuan sa nin sa kéklééklé fanunfanun, b'o fa liké nga i Wawe'n man swran yô'n man swran ke i klun klô'n sa'n, o guaa bé nde'n su.

Jésus kpee atin man ya nyan é ti

⁵ Afin nanh ange mun ye Nyanmien fa bé sié men nga o wa yi bo é ken i nde'n suo.

⁶ Sannge é kenngen Nyanmien Nde nga bé kleli'n i lika wié nun ke swran wié sé ke: «Nzu yele swran b'o man a bu i akunndaan, Nzu yele klo swran b'o man a nien i likaa?

⁷ A yôli man ange'm bé kpa'n trelii lé nnyon kun, A siéé famien man o nyan nyrun, bé menmen,

⁸ A fe sié liké'n kwlaa su.» Ke Nyanmien fe i sié liké'n kwlaa su so'n, liké fi a ka'a le bo nenh i ye o sié béo. Sannge é nian wu'an ke o sié liké'n kwlaa ke é sé ye'n.

⁹ Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.

¹⁰ Nanwle, Nyanmien b'o yii liké'n kwlaa bo i ti ye i kwla ô le'n, o yôô sa ng'o yôo o nin i fata'n. Afin ke o yô nan i mma kpanngban kpa ba o nyanmien su lo'n, o yôli man Jésus b'o kpe atin man bé nyan bé ti'n, o yô swran bo nyrennen b'o wunniin'n ti o si atin so'n kpe kpa.

¹¹ Afin i b'o man swran'm bé wun sa'n wié'n, nin bé nga o man bé wun sa'n wiéli'n, o nin bé bé si ti kun. I so'n ti ye ke o sé ke bé ti i niaan'n, nyannzuen kunmen nion.

¹² Afin o sé ke: «Nyanmien, mh bôh dunman klé n niaan mun, Nh tôh dyué m bô fle o anyia'n nun.»

¹³ O keen i ékun ke, «oh feh i wla'n gue i su.» Ye o keen i ékun ke: «Anh nian min nin ba nga Nyanmien fa bé maan min'n yé ye:»

¹⁴ Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

¹⁵ Ke oh déh bé kwlaa nga ke bé wuu bé lélé'n, wié'n i srôle ti ba katyi ke kanga sa'n.

¹⁶ Afin nanwle, nanh ange mun ye o baa bé ukaleo, Abraham anunman mun ye o baa bé ukaleo.

¹⁷ Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

¹⁸ Afin ke o wunnin nyrennen lakale bo bé lekelii'n ti'n, i kusu kwla uka bé nga bé bé'n.