Galasifuɛ Mun 5 - Nyanmien nde Ufle

Dyasin fe b'o man swran di aladyé'n

¹ Aladyé dile ti ye Christ kpoo é tio. I so'n ti, anh dyran kéklé, nanh an fa amun wun wla kanga'n nun.

² Anh tié nde kun bo m Paul m ma kan klé amun'n: Se amun man bé wla amun klen'n, Christ su yô'a liké fi ma'an amun.

³ Nh kanh klé bé kwlaa nga bé waan béh wlah klen mun'n kpa ékun ke, san béh fah mmla'n kwlakwlakwla su.

⁴ Amun bo amun waan amunh fah mmla'n su nan Nyanmien bu amun swran kpa'n, amun nin Christ amuan bu, ye yé nga Nyanmien yô swran'n, wa tô a fuan amun.

⁵ É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

⁶ Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

⁷ Laa an bôô manndren kpa. ?Wan ye man an dyrannin, b'o man an lafi'a nde nanwle'n su kuon?

⁸ Nde nga bé kan kléé amun'n, o fi'an Nyanmien b'o flee amun'n.

⁹ Kpaun ayré kaan'n bo bé fa gue kpaun nzuen nun'n ye man i wunmuan'n wlaa.

¹⁰ Swran wunmuan bo é nin é Min'n ya katyi'n ti, n wla ô amun su kpa ke, an su bu'a akunndan ufle. Sannge swran ng'o sanngan amun akunndan'n, se o ti se ti se ô, Nyanmien tuh i fo.

¹¹ ?Sannge n lie'n, aniaan mun, se lélé nde n te kan klen wlale nde'n, nzu ti ye bé te klé n yaleo? Se n te yô so'n, Christ i waka'n su bôbôle nde bo n kan'n, o su yô'a swran ngasi kun.

¹² Bé nga bé sanngan amun akunndan'n, man bé wla klen lélélé bé sa bé wun!

¹³ Aniaan mun, Nyanmien flee amun ke an nyan amun ti, sannge amun ti bo amun nyen so'n ti, nanh an yô klo swran nyôlie'n, sannge anh bu amun wun ke an ti amun wiéngu kanga, anh wuka amun wun klôle bo an klô amun wun'n ti.

¹⁴ Afin bé bô mmla'n kwlaa kpole nde kun nun sé ke: «Klô o wiéngu ke a fa klô o bobo wun'n sa.»

¹⁵ Sannge se an kaka amun wun bo an titi amun wiéngu sa bui'n, anh nian amun wun kpa, nanh amun wiéngu satyi amun.

Sa nga Nyanmien Wawe'n klé swran ke o yô'n

¹⁶ N sé ke yiô: Anh yô sa nga Nyanmien Wawe'n klé amun'n ye an su yô'a liké nga klo swran kônvi soe'n kun.

¹⁷ Liké nga klo swran klôé'n, Nyanmien Wawe'n klômen, ye liké nga Nyanmien Wawe'n klôé'n, klo swran klômen, bé nnyon'n bé nuan seman, o man sa nga an klô ke amunh yôh'n, an kwla yôman.

¹⁸ Se an fa atin nga Nyanmien Wawe'n klé amun su'n, Nyanmien dyra'an mmla'n su ye o sié amuon.

¹⁹ É si klo swran i nzuen'n kpa, yele bla nin bian kunndele, sa tete yôle, wlaka bôle,

²⁰ amuen sole, baé dile, swran kpole, nin utré. Bé nyin tyi bé wiéngu, bé fa ya, bé bô ti'a kun, bé bubu bé wun nun,

²¹ bé le kônvi, bé non nzan bô, bé yô sa finfin mun, ye bé yô i sin sa wié mun ékun. Nh kanh nde kunngba nga n kan kléé amun laa'n klé amun ékun, bé nga bé yô i so sa'n, bé su yô'a men nga Nyanmien sieé'n i nunfue mlonmlon.

²² Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

²³ bé yô wetee, bé yô sa i nuan su. Ba sié'a ninngé so'm bé su mmla fi.

²⁴ Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

²⁵ Se Nyanmien Wawe'n man ya nyan nguan'n, man é yô liké ng'o klé yé'n kusu.

²⁶ Nanh man é kunnde dunman, nanh man é yô sa b'o kun é wiéngu ya, nanh man é fa é nyin tyi é wiéngu.