Filipfuɛ Mun 3 - Nyanmien nde Ufle

Swran kpa yôle sakpa

¹ N niaan mun, min nde'n i atabô'n ye: swran wunmuan bo amun nin é Min'n ti'n ti, man amun klun dyo. Nde nga n kle blee amun laa'n, ke nh kleh ble amun ékun'n o ti'a min afe, ye se n yô so man amuon o ti kpa.

² Anh sasa amun wun bé bo bé ti ke alua sa, bo bé yô sa tete, bo bé wla klen bé kplô'n su ngben'n bé lika.

³ É ye é wla klen kpa nion, afin é su Nyanmien i Wawe'n i fanngan nun, é fa Christ-Jésus di é nuan, é fa'a é wla gua'a é wafa nga é ti'n su.

⁴ Sannge se n waan nh fah n wla gua n wafa nga n ti'n su'n, n kwla yô. Se swran wié'm bé bu ke bé kwla fa bé wla gua bé wafa nga bé ti'n su'n, n lie sion.

⁵ Ke bé wuu min bo n dii lé motyue'n ye bé wlaa n kleon, n fin Israël nvlé'n nun, n fin Benjamin ôsu'n nun, n ti hébreu klônglônglô. Se o ti Juif'm bé mmla'n i su fale'n, n ti i nun Pharisifue (*f4*)

⁶ Nyanmien nde'n lô n kpa ti ye n kléé asonunfue'm bé yale nion. Se mmla'n i su fale'n kwla yô swran swran kpa'n, wuun bé kwla satyi'a min wun kaan sa.

⁷ Sannge liké kwlaa nga laa m bu i ke o ti n liké kpa'n, sien'n Christ ti, m bu'e like fi kun.

^8-9 Nanwle, ke m bu min Min Christ-Jésus i sile bo n sii'n liké kpa sakpa'n ti, o man m bu'a liké'n wié fi liké. I ti man yatyi liké'n kwlaa, ke o yô nan Christ a yô n liké kpa nan min nin i ya katyi swran wunmuan'n ti, m bu liké'n kwlaa ke wla sa. Swran kpa bo n ti'n, o fi'an m bobo min nzuen'n nun mmla'n i sufale'n ti, sannge o fin Christ su bo n lafi'n. Swran kpa yôle so'n fin Nyanmien, i su bo bé lafi'n ti.

¹⁰ Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

¹¹ nan n lafi su ke n kusu nh tyenh wié.

Man é wanndi dyu é dyuwle

¹² Nanh ke, ke n ken ye'n, man nyen i kwlaa so nion, o nin bo n sé ke man yô swran kpa gue i ti nin i bôo, sannge m mian n nyin nan nh nyanh liké nga ke Christ-Jésus trali min'n, o siéé ke n nyen'n.

¹³ Aniaan mun, m bu'a min wun ke man wié i ngba nyan, sannge sa kun nga n dyin su ke n yô'n, yele ke man n wla fi liké kwlaa ng'o ô n sin'n, nan n tyinndyin man n sa tô liké ng'o ô n nyrun lo'n.

¹⁴ O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

¹⁵ I so'n ti, man é kwlaa nga ya yô swran'n, é bu akunndan so'n wié, sannge se amun nun wié mun amun akunndan'n ti ngunminngunmin'n, Nyanmien wa yi sa so'n nglô klé amun.

¹⁶ Lika kwlaa nga ya dyu'n, kannze o ti se… man adyale kunngba nga é fa bô i bô'n é fa o.

¹⁷ Aniaan mun, anh nian n lie'n su. Ya yô a klé amun, o man anh nian bé nga bé yô liké nga é kléé amun'n bé lie'n su yô.

¹⁸ Swran kpanngban kpa bé ô le bo bé sa nga bé yô bé'n klé ke Christ i waka'n su b'o wuli'n, bé bu'e liké fi. N ken i sofue'm bé nde kléé amun laa lélé, ke nh kanh klé amun ékun ye'n, n le sunle.

¹⁹ Bé agualie yele bé mlinle, bé Nyanmien'n yele bé ku'n. Liké nga swran yôo o gue i nyin asé'n ye bé fa di bé nuaan. Men'n nun ninngé'n ye o lô béo.

²⁰ É lie'n é ti nyanmien su lo ba, é minnde é Défue'n, é Min Jésus-Christ b'o fin lo ba'n.

²¹ O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.