Kolɔsfuɛ Mun 1 - Nyanmien nde Ufle

Paul kle fluwa nga kô maan Colosses lo Christfue mun

¹ M Paul bo Nyanmien klô ke Christ-Jésus sunman min'n, min nin é niaan Timothée,

² éh kleh fluwa nga ble amun bo an ti Nyanmien swran kpa bo an ti é niaan swran wunmuan bo é nin Christ ti'n ti, bo an wô Colosses lo'n. Man é Si Nyanmien man an nyan yé, ye man amun wun dyo amun fouun!

Paul sree Nyanmien ke o nian bé su

³ É la é Min Jésus-Christ i Si Nyanmien'n i asé, ye é sre i titi ke o nian amun su,

⁴ afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

⁵ Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

⁶ Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

⁷ É swran kpa Épaphras b'o ti é wiéngu dyunman difue'n ye o kléé amuon. O dyran é dya nun di Christ dyunman'n kpa.

⁸ O kan swran'm bé klôle wafa nga Nyanmien Wawe'n man an klô bé'n i nde kléé é.

⁹ I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

¹⁰ I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

¹¹ É sre i ke o man amun fanngan i kwlale dan b'o le'a wunsu'n ti, nan sa'n kwlaa nun amun klun dyo, an kwla tra amun awlen blu sa'm bé su.

¹² Anh la é Si'n i asé, afin i ye man amun dunman'n te liké ng'o sié men i swran mun lika b'o kpadya nun lo'n, i nun wiéo.

¹³ O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

¹⁴ Ba so'n ti ye o déé é, o yatyi sa nga é yôlii'n tyeli yéo.

Wafa nga Christ ti'n nin liké ng'o yô'n

¹⁵ O fa Nyanmien bo bé wunmen'n i wafa kwlaa ng'o ti'n, o ti i Wa Kpen bo i kpa'n tra liké'n kwlaa ng'o yili bé'n.

¹⁶ Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.

¹⁷ Ke béh yih ninngé'n kwlaa'n, wuun o ô le, i ti ye man bé kwlaa bé ô leo.

¹⁸ O ti Asonun b'o ti i wunnen'n i ti, afin i ti ye o ô leo. O ti Nyanmien i Wa Kpen bo i ye o yii tyenle nion o man o ti liké'n kwlaa bé ti.

¹⁹ Nyanmien wun ke o ti kpa ke i wafa kwlaa ng'o ti'n, Christ kusu yô so,

²⁰ ye o siésié i nin ninngé'n kwlaa bé afien. Ke o wuu waka'n su'n, Nyanmien siésié sa kwlaa ng'o ô i nin liké kwlaa nga bé ô asie'n su wa nin nyanmien su lo'n bé afien, o man o wiéli.

²¹ Amun bo laa an kpo Nyanmien bo amun nin i diman'n, amun akunndan te nin amun nyôlie tete'n ti'n,

²² sien'n bo i Wa'n katyi swran b'o wuli'n ti, wa siésié i nin amun afien, nan ke amunh beh i wun le'n, oh wunh ke an ti i lie mlonmlon, sa te fi nu'an amun wun, ye bé kwla ka'an amun wun nde te fi.

²³ Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Paul i dyunman'n nin i afe'n

²⁴ Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

²⁵ Nyanmien fa n sié Asonun'n i dyunman difue nan n ken i nde'n kwlakwla klé amun,

²⁶ i nde so'n ke o fin lalafue nun'n o fie swran'n kwlaa bé nyrun, sannge sien'n wa yii nglô a klé i swran mun.

²⁷ Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

²⁸ Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

²⁹ I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.