2 Jean 1 - Nyanmien nde Ufle

Swran ng'o kle fluwa'n kô maan bé'n

¹ Mmô, m bo n ti kpenngben'n, nh kleh fluwa nga ble o bo Nyanmien fali wo'n, nin o mma mun bo n klô amun sa kpa'n. Nanh min ngunmin ye n klô amun saa, bé kwlaa nga bé sii nde nanwle'n bé klô amun sa wié.

² Afin é fa nde nanwle'n su, ye éh fah su tititi.

³ Man é Si Nyanmien nin Jésus-Christ b'o ti i Wa'n, bé man é nyan yé, bé si é aunnvue, ye bé man é wun dyo é fouun, nan é yô nanwlefue, é klô é wun.

Nanwle'n nin bé wun klôle

⁴ Ke n wuun ke o mma'm bé nun wié'm bé fa nde nga é Si kan kléé yé'n su, bo bé ti nanwlefue titi'n, n klun dyo dan kpa.

⁵ Mmô, o bo a ti n swran kpa'n, nde nga nh kleh ble o ye'n, nanh sa ufle ye n sé ke é yôo, sannge sa kunngba nga é tili i bôbôle nun nion. Nh sreh o, man é klô é wun.

⁶ Bé wun klôle so'n yele i nde'n su fale, ye i nde'n bo an tili i bôbôle nun'n, yele ke an klô amun wun.

⁷ Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

⁸ I so'n ti, anh nian amun wun kpa, nan amun dyunman'n i nuan liké'n wa tô'a fua'an amun, sannge amuan nyan nun liké kpan ti.

⁹ Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.

¹⁰ Se swran wié wa tô amun b'o kanman nde kunngba nga'n, nanh an sikéé, nanh an yô i blande.

¹¹ Afin swran ng'o yô i blande'n, wuun wa yô sa kunngba ng'o yô bé'n bé wié.

I nde'n i atabô

¹² Nde kpanngban ô n klun, n klô ke nh kanh klé amun, sannge n klô'a ke n kle. N waan mh bah amun wun lo, nan min nin amunh kôkôh yale nan é klun dyo dan.

¹³ O niaan bla bo Nyanmien felii'n, i mma'm béh yôh o liké.