1 Timote 2 - Nyanmien nde Ufle

Anh sre Nyanmien ke o nian swran'n kwlaa bé su

¹ Afotue nga n waan mh manh wo'n i klikli'n ye: anh kan swran'n kwlaa bé nde klé Nyanmien, anh sre i ke o nian bé su, anh sre i aunnvue su, anh le i asé.

² Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

³ Sa so'n ti kpa, o yô é Défue Nyanmien'n i fe.

⁴ O klô ke oh déh swran'n kwlaa, nan bé wun sa ng'o ti nanwle'n i wle kpa.

⁵ Afin Nyanmien'n ti kun, ye kpatafue ng'o dyran swran'm bé nuan kpata Nyanmien'n ti kun kusu, yele Christ-Jésus, o ti swran.

⁶ O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

⁷ O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

⁸ I so'n ti, n klô ke yasua bo sa te kaan sa, nin ya, nin akunndan te nu'an bé klun'n, lika kwlaa nga bé wô'n, bé man bé sa su bé kôkô yale klé Nyanmien.

⁹ I kunngba'n, n klô ke tannin nga mmla'm bé kla'n bé kle i kpa, nanh man bé fa bé wun klé, sannge man bé sié bé wun kpa. Ke béh siésiéh bé wun'n, nanh man bé fa bé wla gue bé ti bo bé yô'n, nin sika okwle, nin aflé, nin trale b'o le gua'n bé su,

¹⁰ sannge man bé yô swran yé, afin bla nga bé srô Nyanmien'n, se bé yô soo o ti kpa.

¹¹ Man mmla'm bé tran diin bé sié bé su liké nga bé klé bé'n su, man bé yô bé wun aénvue.

¹² N kpli'an su ke bla klé liké, ye o sié yasua, sannge mon o tran diin.

¹³ Afin Adam ye Nyanmien dun mmua yii io, i sin ye o yii Èveo,

¹⁴ ye nanh Adam ye bé leke io, sannge Ève b'o ti bla nion. Ke bé leke bo bé nyenniin'n, ye o yôli sa te nion.

¹⁵ Sannge se bla lafi Nyanmien su kpa, o klô swran titi, o yô Nyanmien lie mlonmlon, b'o nien i wun su kpa'n, se o kô wu ba'n, oh fitéh nun.