1 Jean 1 - Nyanmien nde Ufle

Nguan'n i wun nde

¹ Nguan Nde b'o le anannganman'n i nde ye éh kleh ble amun ye nion. É tili, é bobo é wunniin nin é nyinma, é nienniin, é kennin.

² Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

³ É kan nga bo é wunniin'n, bo é tili'n klé amun kusu, nan é nin amun é di anuanse kunngba nga é nin é Si'n nin i Wa Jésus-Christ é di'n.

⁴ Éh kleh i so nan é klun dyo kpa.

Nyanmien ti nyannyannyan

⁵ Nde nga i Wa'n kan kléé é, bo éh kanh kléh amun'n ye: Nyanmien ti nyannyannyan, aôsin'n kwla mentenmen mlonmlon.

⁶ Se é sé ke é nin i di anuanse, sannge é yô sa ke é te ô aôsin'n nun sa'n, wuun é su bua atô, é di'a nanwle.

⁷ Se sa nga é yô'n é yôé wéinwéin'n ke i bobo yô sa wéinwéin sa'n, é nin amun di anuanse, ye i Wa Jésus i mmôdya'n man é wun sa'n kwlaa wiéh.

⁸ Se é sé ke sa te nu'an é wun'n, wun'n é su laka é wun, é di'a nanwle.

⁹ Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.

¹⁰ Se é sé ke ya yô'a sa te'n, é bu i atôfue, é fe'e i nde'n su.