Забур 99 - Сыйлы Инжил бла Забур

Махтау зикир.

¹ Битеу жер, Раббийге къууанып къычырыгъыз!

² Раббийге жарыкълыкъ бла къуллукъ этигиз, Аны аллына къууанып зикир айтыу ауаз бла барыгъыз!

³ Раббий Аллах болгъанын, бизни Ол жаратханын, биз Аныкъыла, Аны халкъы эм Аны сюрюуюню къойлары болгъаныбызны билигиз.

⁴ Шукур этиу бла Аны къабакъларына, махтау бла Аны арбазларына киригиз. Анга махтау салыгъыз, Аны атына шукур этигиз!

⁵ Нек десегиз Раббий ахшылыкълыды, Аны мархаматы ёмюргеди, аны тюзлюгю да тукъумдан тукъумгъады.