Забур 97 - Сыйлы Инжил бла Забур

Зикир.

¹ Раббийге жангы зикир этигиз, нек десегиз Ол сейирлик ишле этгенди. Аны онг къолу эм Аны сыйлы билек кючю Анга хорлау келтиргендиле.

² Раббий Кесини къутхарыуун кёргюзтгенди, Кесини тюзлюгюн миллетлени кёзлерини аллында ачханды.

³ Ол Израильни юйюрюне Кесини мархаматын эм Кесини хакъ кертисин эсине тюшюргенди. Жерни битеу къыйырлары бизни Аллахыбызны къутхарыуун кёргендиле.

⁴ Битеу жер, Раббийге къууанып къычырыгъыз; къууанч этигиз, кёз ачыгъыз эм махтау зикир айтыгъыз.

⁵ Раббийге сазла бла, сазла бла эм макъам бла зикир айтыгъыз.

⁶ Патчах Раббийни аллында сур быргъы эм сырыйна согъулгъан таууш бла къууанч этигиз.

⁷ Тенгиз да эм битеу анда болгъан затла да, дуния да эм анда жашагъанла да таууш этсинле.

⁸ Баргъан суула къарс урсунла, таула да Раббийни аллында бирге къууанып зикир айтсынла.

⁹ Нек десегиз Ол жерге сюд этерге келеди. Ол дуниягъа тюзлюк бла, халкълагъа да адиллик бла сюд этерикди.