Забур 96 - Сыйлы Инжил бла Забур

¹ Раббий патчахлыкъ этеди; жер сюйюнсюн, кёп санлы айрыкамла да къууанч этсинле.

² Аны тёгереги булут бла къарангылыкъды, Аны тахтасыны мурдору тюзлюкдю эм тюз хукмуду.

³ Аны аллында от жюрюйдю эмда тёгерекде Аны душманларын кюйдюреди.

⁴ Аны шыбылалары дунияны жарытадыла, аны кёрюп, жер титирейди.

⁵ Раббийни бетинден, битеу жерни Бийлегенни бетинден, таула балауузча эрийдиле.

⁶ Кёкле Аны тюзлюгюн билдиредиле, битеу халкъла да Аны аламатлыгъын кёредиле.

⁷ Таш суратлагъа къуллукъ этиучюле, идолла бла махтаныучула барысы да уялсынла. Битеу тейриле, Аны аллында сеждагъа барыгъыз.

⁸ Сион эшитип къууанады, Раббий, Сени этген хукмуларынг ючюн Яхуданы къызлары да къууанч этедиле.

⁹ Нек десенг Раббий, Сен битеу жерни бийлеген уллу Аллахса, битеу тейриледен бийик кётюрюлгенсе.

¹⁰ Раббийни сюйгенле, аманлыкъны кёрюп болмагъыз! Ол Кесини сыйлыларыны жанларын сакълайды, аман адамланы къолундан аланы къутхарады.

¹¹ Тюзлюклюге жарыкъ, тюз жюреклилеге да къууанч жарыйды.

¹² Тюзлюклюле, Раббийни хакъындан къууаныгъыз эмда Аны сыйлылыгъын эсге алып шукур этигиз.