Забур 92 - Сыйлы Инжил бла Забур

¹ Раббий патчахлыкъ этеди, Ол уллулукъну юсюне кийгенди. Раббий къудуретин юсюне кийгенди эм белине къысханды. Ол себепден дуния бекди, къымылдарыкъ тюйюлдю.

² Сени тахтанг ауалдан бегигенди, Сен ёмюрденсе.

³ Суула кётюредиле, Раббий, суула кеслерини ауазларын кётюредиле, суула кеслерини толкъунларын кётюредиле.

⁴ Алай а кёп сууланы тауушундан, уллу тенгиз толкъунладан да бек, бийикледе Раббий кючлюдю.

⁵ Сени кесаматынгы шартлары бек ышаннгылыдыла. Раббий, Сени юйюнг ёмюрге да сыйлыды.