Забур 86 - Сыйлы Инжил бла Забур

¹ Къорах улуланы зикирлери. Жыр.

² Раббий къурагъан шахар сыйлы тауланы юсюндеди. Раббий Сионну къабакъларын Якъупну битеу эллеринден эсе бек сюеди.

³ Аллахны шахары, сени юсюнгден аламат сёзле айтыладыла!

⁴ Мени таныгъанланы арасында Рахапны бла Бабилни, Филистияны, Тирни бла Эфиопияны да эсгертейим: «Анда аллай адам туугъанды», – дейим.

⁵ Сионну юсюнден а: «Аны ичинде аллай эм аллай адам туугъанды эмда Сионну Уллу Аллах Кеси кючлендирликди», – деп айтырыкъдыла.

⁶ Раббий халкъланы санауда: «Анда аллай адам туугъанды», – деп жазарыкъды.

⁷ Зикир айтыучула да, согъуучула да: «Битеу шауданларым сендедиле», – дерикдиле.