Забур 69 - Сыйлы Инжил бла Забур

¹ Хорну таматасына: Дауутну зикири. Аллахны эсге тюшюрюр ючюн.

² Аллах, Мени къутхарыргъа ашыкъ! Раббий, манга болушургъа ашыкъ!

³ Мени жанымы излегенле уялсынла эм ыйлыкъсынла! Манга аманлыкъ излегенле артларына айлансынла эмда бедишлик болсунла!

⁴ Манга: «Аха! Аха!» – дегенле, айыплы иш этгенлери ючюн, артларына айлансынла.

⁵ Битеу Сени излегенле, Сени хакъынгдан сюйюнсюнле эм къууанч этсинле, Сени къутхарыуунгу сюйгенле да тохтаусуз: «Аллах уллуду!» – деп турсунла.

⁶ Мен а жарлыма эм харипме. Аллах, манга ашыкъ! Мени болушлукъчум эм мени къутхарыучум Сенсе. Раббий, мычыма!