Забур 66 - Сыйлы Инжил бла Забур

¹ Хорну таматасына: къыл къобузла бла.Зикир. Жыр.

² Аллах! Бизге жазыкъсын эмда бизге ыразылыкъ бер, Сени бетинг бла бизни жарыт.

³ Жер башында Сени жолунгу, битеу миллетледе да Сени къутхарыуунгу билсинле.

⁴ Аллах, Санга халкъла махтау салсынла, Санга битеу халкъла махтау салсынла!

⁵ Миллетле сюйюнсюнле эмда къууанч этсинле! Нек десенг Сен халкълагъа тюзлюклю сюд этериксе эмда жер башында миллетлеге жол кёргюзтюрюксе.

⁶ Аллах, Санга халкъла махтау салсынла, Санга битеу халкъла махтау салсынла!

⁷ Жер кесини битимин бергенди: Аллах, бизни Аллахыбыз, бизге алгъыш этеди.

⁸ Аллах бизге алгъыш этеди, битеу жерни этеклерине дери адамла Андан къоркъсунла!