Забур 46 - Сыйлы Инжил бла Забур

¹ Хорну таматасына: Къорах улуланы зикири.

² Битеу халкъла къолларыгъыз бла къарс уругъуз, къууанч ауаз бла Аллахха къычырыгъыз.

³ Нек десегиз Огъаргъы Раббий къоркъунчду, битеу жерни уллу Патчахыды.

⁴ Бизге халкъланы бойсундургъанды, миллетлени да бизни аякъ тюбюбюзге салгъанды.

⁵ Бизни юлюшюбюзню, Кеси сюйген Якъупну аламат жерин, бизге сайлагъанды.

⁶ Аллах къууанч къычырыкъ бла кётюрюлдю, Раббий сур быргъы таууш бла кётюрюлдю.

⁷ Зикир айтыгъыз бизни Аллахыбызгъа, зикир айтыгъыз; зикир айтыгъыз бизни Патчахыбызгъа, зикир айтыгъыз.

⁸ Нек десегиз Аллах битеу жерни патчахыды, оюмлу зикир айтыгъыз.

⁹ Аллах миллетлеге патчахлыкъ этеди, Аллах Кесини сыйлы тахтасына олтургъанды.

¹⁰ Халкъланы бийлери Ибрахимни Аллахыны халкъына къошулуп жыйылгъандыла. Нек десенг жерни къоруулаучулары – Аллахныдыла, Ол аланы башлары бла кётюрюлгенди.