Забур 42 - Сыйлы Инжил бла Забур1 Аллахым, манга хукму эт, огъурсуз миллет бла мени сюдлюк ишими жакъла. Харам эм тюзлюксюз адамдан мени къутхар. 2 Нек десенг мени кючлендириучю Аллах Сенсе. Сен мени атып нек къойдунг? Душманны унукъдурууундан мен нек тыхсып жюрюйме? 3 Сени жарыгъынгы бла Сени хакъ кертинги ий. Ала мени жюрютсюнле эмда Сени сыйлы тауунга эм Сени мекямларынга келтирсинле. 4 Сора Аллахны къурман ташыны къатына, мени къууандырыучу эм сюйюндюрюучю Аллахыма барлыкъма эмда Санга сазла бла махтау саллыкъма, Аллах, эй Аллахым! 5 Жаным, сен мудах нек боласа эмда нек жунчуйса? Аллахха ышан, нек десенг мен энтда Анга махтау саллыкъма, мени Къутхарыучума эм мени Аллахыма. |
© IBT, 2000
2nd edition, published by "Licht im Osten" (Свет на Востоке) - https://www.lio.org
Institute for Bible Translation, Sweden