Забур 2 - Сыйлы Инжил бла Забур

Дауутну зикири.

¹ Миллетле неге къутурадыла, халкъла болмазлыкъ ишни нек ойлайдыла?

² Дунияны патчахлары къозгъаладыла, башчылары да Раббийге эм Ол майлагъаннга къажау бирге кенгешедиле.

³ «Аланы сынжырларын юзейик эм аланы бугъоуларын юсюбюзден атайыкъ», – дейдиле.

⁴ Кёкледе Туруучу хыликкя этерикди, Раббий аланы масхара этерикди.

⁵ Ол заманда алагъа Кесини ачыуланыуунда былай айтырыкъды эм Кесини чамланыуу бла аланы абызыраугъа тюшюрлюкдю:

⁶ «Мен Патчахымы сыйлы тауум Сионда жерлешдиргенме», – дерикди.

⁷ Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

⁸ Менден тиле, сора Санга юлюшге миллетлени берликме, жерни чегин да Санга бийлик жерге берликме.

⁹ Сен аланы темир таякъ бла ууатырыкъса; аланы къошунчуну сауутуча сындырлыкъса», – дегенди.

¹⁰ Алай бла, патчахла, ангылагъыз, жерни башчылары, юйренигиз!

¹¹ Раббийге къоркъуу бла къуллукъ этигиз эмда титиреу бла къууаныгъыз.

¹² Уланын сыйлы кёрюгюз, алайсыз Ол чамланыр эмда сиз баргъан жолугъузда жоюлурсуз; нек десегиз къысха заманда Аны чамланыуу къабынырыкъды. Битеу Анга ышаннганла насыплыдыла.