Забур 147 - Сыйлы Инжил бла Забур

¹ Эй Иерусалим, Раббийни махта! Эй Сион, Аллахынгы махта!

² Ол сени къабакъларынгы къылычларын кючлю этеди, сени ичингде сени уланларынга алгъыш этеди.

³ Сени тийрелеринге ырахатлыкъ береди, эм иги будай бла тойдурады сени.

⁴ Кесини буйругъун жерге иеди. Аны сёзю терк жайылады.

⁵ Жюнча къар береди, кюлча къырпакъ себеди.

⁶ Кесини бузун гыртла этип жаудурады. Аны сууугъуна ким чыдаялыр?

⁷ Кесини сёзюн ийсе, барын да эритеди; Кесини желин урдурса, суула саркъып тебирейдиле.

⁸ Ол Кесини сёзюн Якъупха, Кесини жорукъларын эм хукмуларын Израильге билдиргенди.

⁹ Ол аны башха бир халкъгъа да этмегенди, ала Аны хукмуларын да билмейдиле. Халелуя!