Забур 146 - Сыйлы Инжил бла Забур

¹ Раббийни махтагъыз, нек десегиз Аллахыбызгъа зикир айтхан насыпды, алай этиу кёлге асыуду, тийишли махтауду.

² Раббий Иерусалимни къурайды, Израильни къысталгъанларын жыяды.

³ Ол жюреклери сыннганланы сау этеди, аланы къайгъыларына багъады.

⁴ Жулдузланы санларын белгилегенди, аланы барына да атла береди.

⁵ Бизни Раббийибиз уллуду, Аны къудурети уллуду, Аны акъылыны чеги жокъду.

⁶ Унукъгъанланы кётюреди Раббий, аман адамланы уа жерге дери чёкдюреди.

⁷ Кезиу-кезиу Раббийге шукур зикир айтыгъыз, Аллахыбызгъа арфала бла махтау зикир айтыгъыз.

⁸ Ол кёкню булутла бла жабады, жерге жауун жаудурады, таулада кырдык ёсдюреди.

⁹ Малгъа, къычырыкъ этген къаргъа балалагъа аш береди.

¹⁰ Атны кючюне къарамайды Ол. Аны ыразы этген адамланы аякъларыны женгиллиги тюйюлдю.

¹¹ Андан къоркъгъанлагъа, Аны мархаматына ышаннганлагъа ыразыды Раббий.