Забур 14 - Сыйлы Инжил бла Забур

¹ Я Раббий! Сени мекямынгда ким тураллыкъды? Сени сыйлы тауунгда ким жашаяллыкъды?

² Айыпсыз жюрюген, тюзлюк этген эмда кесини жюрегинден хакъ кертини айтхан;

³ Кесини тили бла сёз этмеген, кесини тенгине аманлыкъ этмеген эмда кесини жууугъун сёгюуню къабыл этмеген;

⁴ Харам этилген адамны сансыз этген, алай а Раббийден къоркъгъанлагъа хурмет этген; кесине зараннга окъуна антын бузмагъан;

⁵ Кесини ахчасын къозлаугъа бермеген эм терсликсизге къажау ултха алмагъан адам. Алай этген ёмюрге да тентирерик тюйюлдю.