Забур 13 - Сыйлы Инжил бла Забур

Хорну таматасына: Дауутну зикири.

¹ Акъылсыз адам кесини жюрегинде: «Аллах жокъду», – дегенди. Ала терсине айланнгандыла, жийиргенчли ишле этгендиле, игилик этген жокъду.

² Ангылауу болгъан, Аллахны излеген бар эсе кёрюр ючюн, Раббий кёкледен адам улулагъа къарагъанды.

³ Бары да жолдан тайгъандыла, бири да къалмай бузукъдула; игилик этген жокъду, жангыз биреу да жокъду.

⁴ Битеу законсузлукъ этиучюле, ётмек ашагъанча Мени халкъымы ашаучула эм Раббийден тилек этмеучюле ангыларыкъ тюйюлмюдюле?

⁵ Ала анда къоркъуугъа тюшерикдиле, нек десенг Аллах тюзлюклюлени тукъумундады.

⁶ Сиз факъырны ышаныуу Раббийге болгъаны ючюн аны акъылын хыликкя этгенсиз.

⁷ Сиондан Израильге къутхарыу ким берликди? Раббий Кесини халкъын жесирликден къайтаргъан заманда, Якъуп сюйюнюрюкдю, Израиль къууанч этерикди.