Забур 129 - Сыйлы Инжил бла Забур

Иерусалимге ёрлеу зикир.

¹ Теренден къычырып, Сенден тилек этеме, я Раббий.

² Раббий! Мени ауазымы эшит. Сени къулакъларынг мени тилек этген ауазыма тынгыласынла.

³ Раббий, Сен адамны законсузлукъларын эсинге алып турсанг, Раббий, ким чыдаяллыкъды?

⁴ Алай а Сенде кечгинлик барды, ол себепден Сени сыйлы кёрсюнле.

⁵ Раббийге ышанама, мени жаным ышанады, Аны сёзюне ышанып турама.

⁶ Мени жаным Раббийни, къалауурла эрттенликни сакълагъандан эсе бек, къалауурла эрттенликни сакълагъандан эсе бек сакълайды.

⁷ Израил Раббийге ышансын, нек десенг мархамат Раббийдеди, толу къутхарыу да Андады.

⁸ Ол Израильни битеу законсузлукъларындан къутхарлыкъды.