Забур 128 - Сыйлы Инжил бла Забур

Иерусалимге ёрлеу зикир.

¹ «Мени жаш заманымдан бери манга кёп кере зулму этгендиле, – деп айтсын Израиль –

² Мени жаш заманымдан бери манга кёп кере зулму этгендиле, алай болгъанлыкъгъа, хорлаялмагъандыла мени.

³ Сабан сюрюучюле мени сыртымда сюргендиле, узун баразаларын тартхандыла».

⁴ Алай болгъанлыкъгъа Раббий тюзлюклюдю, Ол аман адамланы бугъоуларын уруп юздюргенди.

⁵ Сионну кёрюп болмагъанла барысы да уялсынла эм артларына айлансынла.

⁶ Тартып чыгъарырдан алгъа, къуруп къалгъан, чорбатлада ёсген хансча,

⁷ Оракъчы андан ууучун, гысты къысыучу да къучагъын толтурмазлыкъ хансча болуп къалсынла.

⁸ Къатлары бла озгъанла да: «Сизге Раббийни алгъышы келсин, Раббийни аты бла сизге алгъыш этебиз!» – деп айтмасынла.