Забур 127 - Сыйлы Инжил бла Забур

Иерусалимге ёрлеу зикир.

¹ Раббийден къоркъуучу, Аны жоллары бла жюрюучю хар адам насыплыды!

² Сен къол къыйынынгдан ашарыкъса, насыплы боллукъса, санга ахшылыкъ боллукъду.

³ Сени къатынынг сени юйюнгде битимли жюзюм терекча болур; сени сабийлеринг сени ашынгы тёгерегинде зейтун терек бутакълача болурла.

⁴ Раббийден къоркъуучу адам, алай алгъышлы боллукъду!

⁵ Раббий санга Сиондан алгъыш этерикди эмда битеу жашау кюнлерингде Иерусалимни ахшылыкъ кёргенин кёрлюксе.

⁶ Сен сабийлеринги сабийлерин кёрлюксе. Израильге ырахатлыкъ болсун!