Забур 124 - Сыйлы Инжил бла Забур

Иерусалимге ёрлеу зикир.

¹ Раббийге ышаннган Сион тау кибикди, тайдырыллыкъ тюйюлдю, ёмюрге да турады.

² Таула Иерусалимни тёгерегиндедиле, Раббий а эндиден ёмюрге да Кесини халкъыны тёгерегиндеди.

³ Нек десенг аман адамланы таягъы тюзлюклюлени жер юлюшлеринде къаллыкъ тюйюлдю, алайсыз тюзлюклюле къолларын законсузлукъгъа узатырла.

⁴ Эй Раббий, огъурлу адамлагъа, тюз жюреклилеге ахшылыкъ эт.

⁵ Кеслерини терс жолларына айланнганланы уа законсузлукъ этиучюле бла жюрюрге къойсун Раббий. Израильге ырахатлыкъ болсун.