Забур 122 - Сыйлы Инжил бла Забур

Иерусалимге ёрлеу зикир.

¹ Санга, кёкледе Туруучугъа, кёзлерими кётюреме.

² Ма, къулланы кёзлери бийлерини къолуна, къарауашны кёзлери да бийчесини къолуна къарагъанча, бизни кёзлерибиз да Раббий Аллахыбызгъа, Ол бизге мархамат этге эди деп, алай къарайдыла.

³ Бизге мархамат эт, Раббий, бизге мархамат эт; нек десенг биз бек ыспассызлыкъгъа къалдыкъ.

⁴ Бизни жаныбыз эсириклени аман айтыуларындан бла ёхтемлени ыйлыкъдырыуларындан бек унукъгъанды.