Забур 121 - Сыйлы Инжил бла Забур

Иерусалимге ёрлеу зикир. Дауутну.

¹ Манга: «Раббийни юйюне барайыкъ», – деп айтханларында, бек къууандым.

² Ма, бизни аякъларыбыз сени къабакъларынгда турадыла, Иерусалим,

³ Шахарча тап къуралгъан, бирге къошулгъан Иерусалим.

⁴ Ары тукъумла, Раббийни тукъумлары, Израильни закону бла, Раббийни атына махтау салыргъа ёрлейдиле.

⁵ Анда хукму тахтала, Дауутну юйюрюню тахталары турадыла.

⁶ Иерусалимге ырахатлыкъ тилегиз: сени сюйгенле онгсунла!

⁷ Сени къабыргъаларынгда ырахатлыкъ, сени тоханаларынгда огъурлулукъ болсун!

⁸ Мени къарындашларым эм шуёхларым ючюн: «Сенде ырахатлыкъ болсун», – дейме мен.

⁹ Бизни Раббий Аллахыбызны юйю ючюн санга ахшылыкъ келирин тилейме.