Забур 120 - Сыйлы Инжил бла Забур

Иерусалимге ёрлеу зикир.

¹ Кёзлерими таулагъа кётюреме, мени болушлугъум къайдан келликди?

² Мени болушлугъум, кёкню бла жерни жаратхан Раббийденди.

³ Ол сени аягъынгы таяргъа къоярыкъ тюйюлдю, сени сакълаучу къалкъырыкъ тюйюлдю.

⁴ Израильни сакълаучу къалкъымайды эм жукъламайды.

⁵ Раббий сени сакълаучунгду; сени жабыучу Раббийди, Ол сени онг жанынгдады.

⁶ Кюндюз кюн, кечегиде ай санга заран тийирмезле.

⁷ Раббий сени хар тюрлю аманлыкъдан сакълар, Раббий сени жанынгы сакълар.

⁸ Раббий эндиден ёмюрге да сени чыкъгъан заманынгда да, кирген заманынгда да сакълар.