Забур 12 - Сыйлы Инжил бла Забур

¹ Хорну таматасына: Дауутну зикири.

² Я Раббий, къачаннга дери, мени ёмюрге дерими унутуп турлукъса? Бетинги менден къачаннга дери жашырып турлукъса?

³ Мен, ичимде сагъышланы жыйып, жюрегимде кече да, кюн да къайгъы этип къачаннга дери турлукъма? Мени душманым мени юсюмде къачаннга дери кесин ёрге кётюрюп турлукъду?

⁴ Къара, мени тилегими къабыл эт, я мени Раббий Аллахым! Мени кёзлерими жарыт, мен ёлю жукъу бла жукъламайым;

⁵ Мени душманым: «Мен аны хорладым», – демесин. Мен тентиресем, мени жауларым къууанмасынла.

⁶ Мен а Сени мархаматынга ышанама; мени жюрегим Сени къутхарыуунга къууанырыкъды, манга ахшылыкъ этиучю Раббийге зикир айтырыкъма.