Забур 115 - Сыйлы Инжил бла Забур

¹ «Мен бек унукъгъанма», – дегенимде да ийнанып турдум.

² Мен ойлаусузлугъумда: «Хар адам да ётюрюкчюдю», – деген эдим.

³ Раббийге не берейим Аны манга битеу этген ахшылыкълары ючюн?

⁴ Къутхарыу аякъны келтирирме эмда Раббийни атын айтып тилек этерме.

⁵ Аны битеу халкъыны аллында, нюзюр этгенлерими Раббийге келтирирме.

⁶ Раббийни аллында Аны сыйлыларыны ёлюмю багъалыды!

⁷ Эй Раббий! Мен Сени къулунгма, Сени къулунгма эм Сени къарауашынгы уланыма. Сен мени бугъоуларымдан эркин этгенсе.

⁸ Санга шукур къурман келтирирме эмда Раббийни атын айтып тилек этерме.

⁹ Аны битеу халкъыны аллында,

¹⁰ Раббийни юйюню арбазларында, Иерусалим, сени арангда нюзюр этгенлерими Раббийге келтирирме. Халелуя!