Забур 112 - Сыйлы Инжил бла Забур

Халелуя!

¹ Раббийни къуллары, махтагъыз, Раббийни атын махтагъыз.

² Раббийни аты эндиден ёмюрге да алгъышланып турсун.

³ Кюн чыкъгъандан кюн батханнга дери да Раббийни атына махтау салынсын.

⁴ Раббий битеу миллетледен да бийикди, Аны махтауу кёклени башындады.

⁵ Бизни Раббий Аллахыбызча ким барды? Ол, бийикде тургъанлай да,

⁶ Кёкге бла жерге къарар ючюн ийиледи.

⁷ Жарлыны жерден къобарады, факъырны багуш тёбеден кётюреди,

⁸ Аны бийле бла, кеси халкъыны бийлери бла олтуртады.

⁹ Къаратонну, сабийлерине къууаннган ана этип, юйге жерлешдиреди. Халелуя!