Забур 110 - Сыйлы Инжил бла Забур

Халелуя!

¹ Тюзлюклюлени кенгешлеринде эмда жамауатларында битеу жюрегимден Санга шукур этеме, я Раббий.

² Раббийни ишлери уллудула, битеу аланы сюйгенле аланы билирге излейдиле.

³ Аны иши уллуду эм аламатды, Аны тюзлюгю ёмюрге да турады.

⁴ Ол Кесини сейирлик ишлерин унутулмазлыкъла этгенди, мархаматлыды эм ырахматлыды Раббий.

⁵ Андан къоркъгъанлагъа аш береди, Кесини кесаматын ёмюрде да эсинде тутады.

⁶ Башха миллетледен къалгъан жерни Кесини халкъына берип, Кесини ишлерини кючюн алагъа кёргюзтгенди.

⁷ Аны къолларыны ишлери хакъ кертиди эм тюз хукмуду. Аны битеу буйрукълары ышаннгылыдыла,

⁸ Ёмюрледен ёмюрлеге да къатыдыла, кертилик бла тюзлюк бла салыннгандыла.

⁹ Ол Кесини халкъына къутхарыу ийгенди, Кесини кесаматын ёмюрлеге да фарыз этгенди. Аны аты сыйлыды эм къоркъунчлуду!

¹⁰ Акъылманлыкъны башы Раббийден къоркъмакълыкъды. Аны фарызларын толтургъанланы барысыны да акъыллары тюздю. Анга махтау ёмюрге да болуп турлукъду.