Забур 1 - Сыйлы Инжил бла Забур

БИРИНЧИ КИТАП

Дауутну зикири

¹ Аман адамланы оноуларында жюрюмеген эм гюняхлыланы жолунда турмагъан эмда хыликкя этиучюлени жыйылыуларында олтурмагъан киши насыплыды!

² Аны зауугъу уа Раббийни законундады эм Аны законуну юсюнден ол кече да, кюн да ойлашады.

³ Ол, кесини заманында кёгетин берген, аны чапырагъы да къурумагъан, баргъан сууну къатында орнатылгъан терекча боллукъду; ол не эте эсе да, жетишимли боллукъду.

⁴ Аман адамла уа алай тюйюлдюле, ала жел алып айланнган къууукъ кибикдиле.

⁵ Ол себепден аман адамла сюдде, гюняхлыла да тюзлюклюлени жыйылыуларында чыдаялмазла.

⁶ Нек десенг Раббий тюзлюклюлени жолларын биледи, аман адамланы жолларыны ахыры уа жоюлууду.