YUSAK 19 - BALA LUK DO'

Babpat Tana' Luk Litep Kuan Simion

¹ Idi babpat luk kedueh ineh litep kuan inul Simion, maya' tetek ruma'deh. Idi tana'deh, ieh ineh uned tana' lun Yahuda.

² Idi tana' babpatdeh ineh, ieh ineh bawang Bisiba, Siba, Molada,

³ Hasa Sual, Bala, Esem,

⁴ Eltolad, Betul, Horma,

⁵ Siklag, Bait Makabot, Hasar Susa,

⁶ Bait Lebaut, idi Saruhen — amung bawang ineh pulu' teluh perapu ku babpatdeh.

⁷ Idi teh Ain, Rimon, Eter idi Asan — apat bawang perapu ku babpatdeh,

⁸ idi teh amung barar luk pekelibut bawang-bawang ineh macing Baalat Bir (ieh ineh Rama) luk pa kabing busat aco. Idi ini babpat tana' inul Simion maya' tetek ruma'deh.

⁹ Babpat lun Simion ineh semuet babpat luk litep kuan lun Yahuda. Ngaceku babpat lun Yahuda ineh meluun rayeh kuandeh. Ngaceku ineh lun Simion nengalap babpat rat nedeh.

Babpat Tana' Luk Litep Kuan Sebulon

¹⁰ Idi babpat luk keteluh ineh litep kuan inul Sebulon maya' tetek ruma'deh. Idi lakan tana' babpatdeh, ieh ineh suet déi' Sarid.

¹¹ Idi lakan tana'deh mudik amé' pa acep aco macing Marala, idi pelengit ku Dabeset, idi ku arur luk pa busat aco Yokniam.

¹² Idi rat pa selipa Sarid, lakan amé' pa busat aco macing lakan Kislot Tabor idi amé' Daberat, idi mudik amé' Yapia.

¹³ Rat déi', lakan amé' pa busat aco petacu amé' Gat Heper, amé' Etkasin, idi kemilu' amé' Nia idi petacu matun Rimon.

¹⁴ Pa tinueh busat aco lakan ineh kemilu' amé' Naton, idi papedneh bang Ruan Iptahil,

¹⁵ idi teh Katat, Nahalal, Simron, Idala, idi Baitlahim — pulu' dueh bawang perapu ku babpatdeh.

¹⁶ Idi ini babpat tana' lun Sebulon, maya' tetek ruma'deh — amung bawang ineh perapu ku babpatdeh.

Babpat Tana' Litep Kuan Iskar

¹⁷ Idi babpat luk keapat ineh litep kuan inul pupu Iskar, ieh ineh maya' tetek ruma'deh.

¹⁸ Idi lakandeh, ieh ineh Yesril, Kesulot, Sunem,

¹⁹ Haparaim, Sion, Anaharat,

²⁰ Rabit, Kision, Ebes,

²¹ Remet, Enganim, Enhada, idi Bait Pases.

²² Idi lakan ineh pelengit ku Tabur, Sahasuma, idi Bait Semes. Idi kudeng ineh paped lakandeh ineh déi' Abpa' Yarden — amung bawang pulu' anem perapu ku babpatdeh.

²³ Idi ini babpat pupu Iskar, maya' tetek ruma'deh — amung bawang ineh perapu ku babpatdeh.

Babpat Tana' Luk Litep Kuan Aser

²⁴ Idi babpat luk kelimeh ineh litep kuan inul Aser, maya' tetek ruma'deh.

²⁵ Idi lakandeh, ieh ineh Helkat, Hali, Béten, Aksap,

²⁶ Alam Melek, Amad, idi Misal. Idi lakan ineh pelengit ku Karmel, idi Sikor Libnat, pa acep aco,

²⁷ idi kemilu' amé' pa busat aco, amé' Bait Dagon, idi pelengit ku Sebulon idi ku Ruan Iptahil, idi pa tinueh busat aco amé' Bait Emek idi Niel, idi umai pa tinueh busat aco amé' Kabul,

²⁸ Ebron, Rehob, Hamon, idi Kana, macing déi' Sidon.

²⁹ Idi lakan ineh kemilu' amé' Rama, macing bawang Sur luk meraben libung idi kemilu' amé' Hosa, idi papedneh déi' Abpa' Rayeh; idi teh Mahalab, Aksib,

³⁰ Uma, Apek, idi Rehob — amung bawang ineh dueh ngepulu' dueh perapu ku babpatdeh.

³¹ Idi ini bawang perapu ku babpatdeh luun tana' luk ilap inul Aser, maya' tetek ruma'deh.

Babpat Tana' Luk Litep Kuan Naptali

³² Idi babpat luk keanem ineh litep kuan inul Naptali, maya' tetek ruma'deh.

³³ Idi lakan tana'deh, ieh ineh rat Helep, idi rat lawa kayun luk meraben déi' Sananim, rat Adaminekeb idi Yamnia, macing déi' Lakum, idi mulang Abpa' Yarden.

³⁴ Idi lakan ineh kemilu' amé' pa acep aco amé' Asnot Tabur. Idi rat déi' ieh amé' Hukok, idi pelengit ku tana' Sebulon pa kabing busat aco, idi tana' Aser pa acep aco, idi tana' Yahuda tangeb Abpa' Yarden pa busat aco.

³⁵ Idi bawang-bawang luk meraben libung ineh Sidim, Ser, Hamat, Rakat, Kineret,

³⁶ Adama, Rama, Haso,

³⁷ Kedes, Edri, Enhasor,

³⁸ Yiron, Migdadel, Horem, Bait Anat, idi Bait Semes — amung bawang ineh pulu' iwa' perapu ku babpatdeh.

³⁹ Idi ini babpat pupu Naptali, maya' tetek ruma'deh — amung bawang ini perapu ku babpatdeh.

Babpat Tana' Luk Litep Kuan Dan

⁴⁰ Idi babpat luk ketudu' ineh litep kuan inul Dan, maya' tetek ruma'deh.

⁴¹ Idi lakan babpatdeh ieh ineh Sora, Estaul, Irsemes,

⁴² Salbim, Aijalon, Itla,

⁴³ Elon, Timna, Ekron,

⁴⁴ Elteka, Gibeton, Balat,

⁴⁵ Yehud, Beneberak, Gatrimon,

⁴⁶ Mejakon, Rakon, idi babpat luk petutup ku Yopa.

⁴⁷ Kareb tana' Dan ilap rat nedeh, lun Dan iné' pebunu' bawang Lais. Kareb ideh pangeh nengelaya' bawang Lais ideh nengaté lun bang bawang ineh. Idi ideh nengalap bawang ineh idi netudo déi'. Idi ideh nengisu' ngadan Lais mangun ku Dan, maya' ngadan tepundeh.

⁴⁸ Idi ini babpat pupu Dan, maya' tetek ruma'deh — amung bawang ini perapu ku babpatdeh.

Babpat Tana' Luk Litep Kuan Yusak

⁴⁹ Idi kareb lun Israil pangeh nemabpat tana' ineh, idi ideh nemaré kuan Yusak Nun aceh babpat kuanneh sebuleng.

⁵⁰ Idi maya' kudeng bala Tuhan, birédeh neneh bawang luk pinianneh, ieh ineh Timnat Sera luun pegkung-pegkung Epraim. Idi ieh nemudut bawang ineh teh idi netudo bang ineh.

⁵¹ Idi ini babpat luk bibpat Eliasar luk imam idi Yusak Nun, idi amung lun rayeh pupu kuan amung inul pupu lun Israil dengan nenala' udi déi' Silo pa kiung Tuhan, pa atun Lepo su luk inan papu' Tuhan. Kudeng ineh ideh nemangeh babpat-babpat tana' ineh.