YUSAK 15 - BALA LUK DO'

Babpat Tana' Luk Litep Kuan Yahuda

¹ Idi tetek ruma' pupu Yahuda nengalap babpat tana' kudeng ini: Ieh ineh lakan tana' Edom su luk ali-ali déi' Sin, pa kabing busat aco, idi luk pelengit tu-tu pa kabing busat aco.

² Idi lakan tana'deh ineh pa kabing busat aco pelengit Abpa' luk Mepaci'.

³ Idi rat Akrabim lemaba pa kabing busat aco macing Sin. Idi rat Negeb mudik amé' Kadis Barnia, lemaba Hesron idi mudik amé' Adar, idi kemilu' amé' Karka,

⁴ macing bawang Asmon idi maya' arur lakan macing Masir. Kekiped lakan ineh macing Abpa' Rayeh, ieh ineh lakan tana' Yahuda pa kabing busat aco.

⁵ Idi lakan tana'deh pa busat aco ieh ineh Abpa' luk Mepaci', macing lung Abpa' Yaren. Idi lakan tana' pa tinueh busat aco mudik

⁶ Bait Hogla suet pa tinueh busat aco Bait Arba. Idi lakan ineh macing Batu Bohan. (Bohan, ieh ineh anak Rubin),

⁷ rat Ruan Susa' lakandeh macing déi' Debir, idi kemilu' amé' pa tinueh busat aco macing déi' Gilgal, luk petutup ku dalan Adumim, luk pa kabing busat aco arur luk déi'. Idi lakan ineh suet bued abpa' Ensemes, idi mulang ku Enrugel.

⁸ Idi rat lakan ineh mudik Ruan Hinom pa kabing busat aco pegkung lun Yebusi (ieh ineh Yerusalim); idi lakan ineh mudik macing luun pegkung luk pa atun Ruan Hinom pa acep aco, idi paped Ruan Repaim pa tinueh busat aco.

⁹ Idi rat buduk pegkung ineh lakan ineh macing déi' Bued Abpa' Neptua, idi mulang ku bawang-bawang luk muneng ku Pegkung Epron. Idi lakan ineh kemilu' amé' Baala (ieh ineh Kiriat Yarim.)

¹⁰ Idi lakan ineh kemilu' rat Baala amé' pegkung-pegkung Edom, amé' muneng ku Pegkung Yarim pa tinueh busat aco (ieh ineh Kesalon), idi musul amé' Bait Semes, idi lemaba Timna.

¹¹ Idi lakan ineh macing pa tinueh busat aco iring Ekron, idi kemilu' amé' Sikron, idi lemaba Pegkung Baala, idi mulang déi' Yamnia. Idi kekiped lakan ineh Abpa' Rayeh.

¹² Idi lakan tana'deh pa acep aco, ieh ineh tangeb Abpa' Rayeh. Idi amung ini lakan tana' lun Yahuda maya' tetek ruma'deh.

Kaleb Ngalap Bawang Hebron Idi Debir

¹³ Idi kuan Kaleb Yepuneh inan nemaré aceh babpat rat arang lun Yahuda, maya' kudeng bala Tuhan ni Yusak, ieh ineh bawang Arba taman Enak, ieh ineh Hebron.

¹⁴ Idi rat déi' Kaleb nengusu teluh anak deléi Enak ineh, ieh ineh Sesai, Akiman, idi Talmai.

¹⁵ Idi rat ieneh ieh nenalan iné' matun lun bang bawang Debir. Idi atun ngadan Debir ineh Kiriat Seper.

¹⁶ Idi kebala Kaleb, “Ide luk munu' Kiriat Seper ineh, idi ngelaya' neneh, ui miak maré kuanneh Aksa, anakku, ku awanneh.”

¹⁷ Idi bawang ineh linaya' Otniel anak Kenas, kinanak Kaleb. Idi ieh nemaré Aksa, anakneh, kuanneh mangun ku awanneh.

¹⁸ Idi kareb decur ineh nacing neneh, idi ieh nengubuk ni Otniel pelé ieh iné' mutuh selalang tana' nan tamanneh. Idi ieh netemurun ratnan keladaineh. Idi Kaleb nengitun neneh, “Anun pianmu?”

¹⁹ Idi ieh nengor balaneh, “Maré kuanku aceh peruan, ngaceku iko nemaré kuanku tana' luk déi' Negeb. Idi teh maré kuanku tuda'-tuda' bued abpa'.” Idi Kaleb nemaré kuanneh tuda'-tuda' bued abpa' luk déi' luun, idi luk déi' beneh.

Bawang-Bawang Yahuda

²⁰ Idi ini babpat inul Yahuda maya' tetek ruma'deh.

²¹ Idi bawang lun Yahuda luk mado pa kabing busat aco, muneng ku lakan Edom, ieh ineh Kabsil, Eder, Yagur,

²² Kina, Dimona, Adada,

²³ Kedes, Hasor, Itnan,

²⁴ Sip, Telem, Baalot,

²⁵ Hasor Hadata, idi Keriot Hesron (luk titen Hasor teh),

²⁶ Amam, Sema, Molada,

²⁷ Hasar, Gada, Hesmon, Bait Palet,

²⁸ Hasar Sual, Birsiba, Bisiotia,

²⁹ Baala, Iim, Esem,

³⁰ Eltolad, Kesil, Horma,

³¹ Siklag, Madmana, Sansana

³² Lebaut, Silhim, Ain, idi Rimon. Amung bawang ineh dueh ngepulu' iwa' perapu ku babpatdeh.

³³ Idi bawang luk luun raked, ieh ineh Estaul, Sora, Asna,

³⁴ Sanua, Enganim, Tapua, Enam,

³⁵ Yarmut, Adulam, Soko, Aseka,

³⁶ Saraim, Aditaim, Gedera, idi Gederotaim: Amung bawang ineh pulu' apat perapu ku babpatdeh.

³⁷ Idi teh Senan, Hadasa, Migdalgad,

³⁸ Dilian, Mispa, Yoktil,

³⁹ lakis, Boskat, Eglon,

⁴⁰ Kabon, Lamam, Kitlis,

⁴¹ Gederot, Bait Dagon, Naama, idi Makeda: Amung bawang ineh pulu' anem perapu ku babpatdeh.

⁴² Idi teh Libna, Eter, Asan,

⁴³ Ipta, Asna, Nesib,

⁴⁴ Kila, Aksib, idi Maresa: Amung bawang ineh iwa' perapu ku babpatdeh.

⁴⁵ Idi teh Ekron, perapu ku bawang idi babpatneh,

⁴⁶ idi amung bawang idi babpatdeh muneng ku Asdod, rat Ekron macing ku Abpa' Rayeh.

⁴⁷ Idi teh Asdod idi Gasa perapu bawang idi babpatdeh, macing ku arur luk lakan Masir, idi tangeb Abpa' Rayeh.

⁴⁸ Idi teh luun pegkung-pegkung, Samir, Yatis, Soko,

⁴⁹ Dana, Kiriat Seper (ieh ineh Debir),

⁵⁰ Anab, Estemua, Anim,

⁵¹ Gosen, Holon, idi Gilo. Amung bawang ineh pulu' aceh perapu ku babpatdeh.

⁵² Idi teh Arab, Duma, Esan,

⁵³ Yanim, Bait Tapua, Apeka,

⁵⁴ Humta, Hebron, idi Sior: Amung bawang ineh iwa' perapu ku babpatdeh.

⁵⁵ Idi teh Maun, Karmel, Sip, Yuta,

⁵⁶ Yesril, Yokdiam, Sanua,

⁵⁷ Kain, Gibia, idi Timna: Amung bawang ineh pulu' perapu ku babpatdeh.

⁵⁸ Idi Halhul, Bait Sur, Gedor,

⁵⁹ Maarat, Bait Anot, idi Eltekon. Amung bawang ineh anem perapu ku babpatdeh.

⁶⁰ Idi teh Kiriat Baal (ieh ineh Kiriat Yarim), idi Raba: dueh bawang perapu ku babpatdeh.

⁶¹ Idi teh déi' su luk ali-ali Bait Araba, Midin, Sekeka,

⁶² Nibsan, bawang Tucu', idi Enggedi: anem bawang perapu ku babpatdeh.

⁶³ Iamo' lun Yahuda na miak ngusu nelun Yebusi, lun bang bawang Yerusalim, rat bang su luk inandeh. Ngaceku ineh lun Yebusi tudo perapu dengan lun Yahuda déi' Yerusalim macing aco sini.