YUSAK 12 - BALA LUK DO'

Raca'-Raca' Luk Linaya' Musa

¹ Lun Israil nengalap tana' luk dipar Abpa' Yarden pa busat aco, rat Raked Arnon macing déi' Pegkung Hermon, idi amung raked luk pa busat aco. Idi ideh nengelaya' dueh burur raca':

² ieh ineh Sihon, raca' lun Amori, luk tudo déi' Hesbon, imetneh rat Arur luk tangeb Abpa' Arnon, idi macing tangal arur ineh idi arang Giliad macing Abpa' Yabuk, lakan tana' lun Amon, ieh ineh seupa tana' Giliad,

³ pa busat aco Raked Yarden, rat Takung Galilia macing Bait Yesimot, ieh ineh pa busat aco Abpa' luk Mepaci', idi macing pa kabing busat aco, ieh ineh iang Pegkung Pisga.

⁴ Idi ideh nengelaya' ni Og, raca' Basan, ratnan lun Repaim luk ketecan, luk tudo déi' Astarot idi déi' Edri.

⁵ Idi imetneh macing déi' Pegkung Hermon, idi déi' Salka, idi amung bawang Basan, macing uned tana' lun Gesuri idi lun Makati, idi seupa Giliad macing tana' sihon, raca' Hesbon.

⁶ Idi Musa idi lun Israil nengelaya' nedeh. Idi Musa demulun Tuhan nemaré bawangdeh kuan lun Rubin, lun Gad, idi sebuang pupu Manasé mangun ku babpatdeh.

Raca'-Raca' Luk Linaya' Yusak

⁷ Yusak idi lun Israil nengelaya' amung raca' pa acep aco Abpa' Yarden, rat Baal Gad luk luun raked lebanon macing pegkung Halak, luk muneng ku Edom. Yusak nemaré ineh kuan amung inul lun Israil ku babpatdeh maya' inul pupudeh.

⁸ Tana' luk bibpat Yusak, ieh ineh pegkung-pegkung, tana' raked, Raked Yarden, iang pegkung-pegkung, su luk ali-ali, idi Negeb. Tana' ini, ieh ineh bawang lun Hiti, lun Amori, lun Kanaani, lun Prisi, lun Hiwi, idi lun Yebusi.

⁹ Amung raca' ini pangeh linaya' lun Israil: raca' Yeriko, raca' Ai luk muneng ku Baitel,

¹⁰ raca' Yerusalim, raca' Hebron,

¹¹ raca' Yarmut, raca' Lakis,

¹² raca' Eglon, raca' Giser,

¹³ raca' Debir, raca' Geder,

¹⁴ raca' Horma, raca' Arad,

¹⁵ raca' Libna, raca' Adulam,

¹⁶ raca' Makeda, raca' Baitel,

¹⁷ raca' Tapua, raca' Heper,

¹⁸ raca' Apek, raca' Lasaron,

¹⁹ raca' Madon, raca' Hasor,

²⁰ raca' Simron Meron, raca' Arkesap,

²¹ raca' Tanak, raca' Megido,

²² raca' Kedes, raca' Yokniam déi' Karmel,

²³ raca' Dor luk tangeb abpa' rayeh, raca' Goyim luk déi' Gilgal,

²⁴ idi raca' Tirsa. Idi amung-amung raca' ineh teluh ngepulu' aceh burur.