YESAYA 53 - BALA LUK DO'

¹ Kebala lun mula', “Pawa' lemulun luk miak manu ku luk badén kai? Iamo' kuan lun manu lalud Tuhan megala' bang amung ineh.

² Maya' pian Tuhan kuan DemulunNeh, Ieh temubu' mepad kudeng tibu pun inan uat bang tana' luk metugeh. Na Ieh metaga idi buren siren tau pad tau ngerawé Neneh.

³ Tau megateh Neneh idi na pian Neneh Ieh mesusa' idi medereh. Seburur pana' nateh luk pian nier Neneh. Tau nengarung Neneh mepad kudeng lemulun luk na ulek.

⁴ “Setuneh ét idi dereh tau binabehNeh, iamo' tau ngerawé Neneh inukum Allah.

⁵ Iamo' Ieh nurat ngaceku sala' tau, idi bibal ngaceku dat tau. Ieh inukum pad tau mepuit, idi nurat pad tau uen ngedo'.

⁶ Amung tau mepad kudeng dumba luk neraruh ngaceku tau nemaya' pian tau sebuleng. Idi Tuhan nengacing kuanNeh, ukum luk petulu lapen tau.

⁷ “Ieh pidereh, iamo' Ieh mebeneh niat, idi ungeng mo'. Mepad kudeng anak dumba luk kereten, idi dumba luk uen muting buluhneh na Ieh muni.

⁸ Ieh kikem, inukum idi inuit pitayen, idi seburur pana' nateh luk ngerawé Neneh. Ieh pinaté ngaceku sala' pupu tau.

⁹ TanemNeh inau' arang tanem lun luk dat. Iamo' tanemNeh arang tanem lun do', sagan pana' Ieh na tu nenganau' sala', idi na tu Ieh mebalih.”

¹⁰ Kebala Tuhan, “Ieh pidereh maya' pianKu; até ineh aceh baré luk ngacing do' ratnan sala', pad Ieh miak kali' inulNeh. Ieh miak mulun baruh. Idi rat Neneh, luk teruayenKu uen ngacing.

¹¹ Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

¹² Ngaceku ineh Ui ngedita' Neneh, arang lun luk rayeh idi mebala. Ieh nemaré ulunNeh, pad Ieh inukum mepad kudeng lun luk dat. Ieh inukum ku libal mula' lun mesala', idi Ieh nemutuh pad ideh ngalap do' ratnan sala'deh.