YESAYA 4 - BALA LUK DO'1 Kareb ineh tudu' burur decur miak ngakem seburur deléi, kebaladeh, “Miak kai maman idi ngayung burur kai sebuleng, iamo' nima' nekai neten namu awan kai, pad kai na migu' ngaceku kai tudo buleng-buleng.” Yerusalim Pinudut Baruh 2 Kareb ineh teh Tuhan nganau' amung tibu bang bawang ineh amé' rayeh idi metaga. Amung pupu Israil luk mulun mawang niat ku uli' tana' ineh. 3 Amung-amung pupu luk ketecan déi' Yerusalim, luk pinili' Allah miak mulun, tetanen meligan. 4 Dengan laludNeh Tuhan miak ngukum idi ngeligan pupu ineh idi nala' babeh sala' Yerusalim idi ngiu' dara luk inutang su ineh. 5 Idi pa luun Pegkung Sion idi amung-amung luk mepamung su ineh, Tuhan miak maré aceh laput kareb macang, rabpun idi budung apui kareb medacem. Rayeh Allah mapen idi matar aput bawang ineh. 6 RayehNeh ngelungung bawang ratnan ét idang idi ideh na mesusa' ku udan idi barui. |
BALA LUK DO' Lun Bawang Bible © The Bible Society of Malaysia 1982, Second Edition 1998.
Bible Society of Malaysia