YESAYA 12 - BALA LUK DO'

Nani Ubur

¹ Kareb ineh inul muyuh miak menani, “O Tuhan, ui ngubur Namu. Atun Iko museh negku, iamo' nekini usehMu nugka', idi ui bukenMu.

² Allah ineh Lun Nengulun negku, ui merapet Neneh idi na matot. Tuhan maré lalud idi tueh negku; Ieh ineh ulunku.

³ Dengan mawang niat pupu Tuhan ngook abpa' ratnan bued ulun.”

⁴ Kareb ineh inul muyuh miak menani, “Maré ubur kuan Tuhan! Mutuh Neneh ngedengan namu! Mada' luk inau'Neh kuan pupu baken. Ngegala' rayehNeh nedeh!

⁵ Do' menani kuan Tuhan, ngaceku kekamenNeh luk rayeh. Mada' bala ini pedingeren aput tana'.

⁶ Do' lemulun luk tudo déi' Sion ngitang idi menani! Allah Israil ineh meligan idi rayeh, idi Ieh tudo arang pupuNeh.”