YEHISKIEL 45 - BALA LUK DO'

Babpat Tana' Luk Kuan Tuhan

¹ Kareb tana' uen mabpat kuan anid-anid pupu, do' ngeletep aceh babpat luk meligan kuan Tuhan. Kikadangneh pulu' batu, idi pipangneh ualuh batu. Aput babpat ineh meligan.

² Bang babpat ineh do' ngeletep aceh tana' kuan Ruma' Allah, pipangneh mepad, ieh ineh 133 depeh. Libut-libut ineh inan aceh natad, pipangneh pulu' teluh depeh mela.

³ Ratnan babpat tana' ineh do' nari aceh babpat, kikadangneh pulu' batu, idi pipangneh apat batu, ieh ineh su luk inan Ruma' Allah, luk meluun ligan.

⁴ Inan aceh babpat tanta' luk meligan luk uen ngeletep kuan imam-imam luk ngakem kuan Tuhan bang Ruma'Neh. Su ineh teh inan ruma'deh idi tana' luk meligan su luk inan Ruma' Allah.

⁵ Idi teh do' nari aceh babpat kikadangneh pulu' batu idi pipangneh apat batu luk uen ngeletep kuan lun Liwi luk ngakem bang Ruma' Allah. Su ineh inan bawang luk inandeh tudo.

⁶ Do' ngeletep aceh tana' kuan bawang rayeh, kikadangneh pulu' batu idi pipangneh dueh batu. Bawang ineh pelengit su luk meligan idi mangun ku bawang amung lun Israil.

Tana' Kuan Lun Luk Ngimet

⁷ Do' ngeletep tana' kuan lun luk ngimet, rat su luk meligan idi bwang rayeh ineh pad macing Abpa' Rayeh luk pa acep aco idi lakan tana' luk pa busat aco. Kikadangneh rat pa busat aco macing pa acep aco mepad kudeng kadang babpat-babpat pupu Israil.

⁸ Tana' ini mangun ku babpat lun luk ngimet bang bawang Israil, pad ieh na ngedereh nelun mula' teh, iamo' ieh nima' tana' luk baken mangun ku babpat pupu-pupu Israil.

Ukum Ukum Kuan Lun Luk Ngimet

⁹ Kebala Tuhan Allah, “Muyuh pelaba io nganau' sala', O muyuh lun luk ngimet bawang Israil. Do' muyuh ugka' ngedereh idi ngaté lemulun. Nganau' luk matu idi luk mesiri. Aleg ngusu pupuKu ratnan tana'deh. Kudeng ini bala Tuhan Allah.

¹⁰ “Do' muyuh makai uad idi tari luk matu.

¹¹ “Gatang luk ku nguad padé, ieh ineh epa mepad kudeng gatang luk ku nguad abpa', ieh ineh bat. Idi uad luk pekalai, ieh ineh sehomer luk apat ngepulu' anem gatang. 1 homer=10 epa=10 bat

¹² “Do' uad muyuh kudeng ini: 20 géra=1 sikal 60 sikal=1 mina

^13-15 “Kudeng ini lawé muyuh maré baré muyuh: Padé: 1/60 amung luk perinien muyuh Ikun: 1/60 amung luk perinien muyuh Umau saitun: 1/100 amung bua' muyuh. (Do' ieh uen nguad maya' bat, ieh ineh iwa' gatang. 10 bat=1 homer=1 kor.) Dumba: 1 dumba rat arang 200 “Do' muyuh nguit baré akan, pung luk sabpen teburur, idi pung ku baré luk nguit pedo', pad muyuh ngalap do' ratnan sala' muyuh. Ui ini Tuhan Allah luk ngecuk ineh.

¹⁶ “Amung lemulun bang bawang ineh nguit baré ineh kuan lun luk ngimet Israil.

¹⁷ Idi ieh luk petulu maré pung luk sabpen teburur, idi baré akan, idi baré luk rupen kuan amung pupu Israil kareb aco rayeh, Irau Bulan Baruh, idi Aco luk inan Mudeng. Do' ieh maré amung baré ngaceku sala', baré akan, baré luk sabpen teburur, idi baré luk nguit pedo', pad ngiu' sala' lun pupu Israil.”

Irau Paska

¹⁸ Kebala Tuhan Allah, “Aceh aco bulan aceh do' iko maré aceh sapi' deléi luk do', pad ngeligan Ruma' Allah.

¹⁹ Imam miak ngalap sebuang dara' pung luk kereten ku baré ngaceku sala' idi ruenneh luun diri tanga' Ruma' Allah, idi luun apat lidung bubpun, idi teh luun diri tanga'-tanga' luk semuet amé' nan natad luk uned.

²⁰ Idi nganau' kudeng ineh teh tudu' aco bulan, kuan lemulun luk nganau' sala' baken dengan rungen idi ngaceku na kali' Kudeng ineh, iko ngeligan Ruma' Allah.

²¹ “Pulu' apat aco bulan aceh do' muyuh ngimun Irau Paska. Tudu' aco kinioneh muyuh kuman ruti luk na linamud.

²² Bang aco irau luk pun-pun, do' lun luk ngimet maré aceh sapi' deléi ku baré ngaceku sala'neh sebuleng idi teh ngaceku sala' lun mula'.

²³ Anid-anid aco kareb irau ineh do' ieh maré kuan Tuhan tudu' sapi' deléi idi tudu' dumba deléi luk na luk mét, idi ngeseb nedeh teburur. Idi teh do' ieh maré aceh amék deléi anid aco ku baré ngaceku saia'.

²⁴ Dengan anid sapi' idi dimba luk barén, do' muyuh maré apat gatang setangal padé idi teluh seréi' umau saitun luk rayeh.

²⁵ “Kareb Irau Lepo luk ngimun pulu' limeh aco bulan tudu', do' lun luk ngimet ineh maré baré ngaceku sala' luk mepad mo' tudu' aco kinioneh, baré luk mepad luk sabpen teburur, idi baré akan idi umau saitun luk mepad teh.”