UKUM 12 - BALA LUK DO'

Ratnan Decur Luk Nenganak Uen Ngeligan

¹ Kebala Tuhan ni Musa,

² “Mada' ini kuan amung lun Israil: Kareb aceh decur nenganak anak luk deléi, idi ieh mangun ku gani' macing tudu' aco kinioneh, maya' kudeng acing bulan luk inanneh pekalai.

³ Idi aco luk kewaluh do' anak ineh uen nunat.

⁴ Pangeh ineh decur ineh nganét teluh ngepulu' teluh aco kinioneh, pad dara'neh uen ngeligan. Sebuleng pana' luk meligan na miak kamenneh. Idi na ieh miak semuet bang Su luk Meligan pad mabud aco luk inanneh uen ngeligan.

⁵ “Iamo' kudeng ieh nenganak anak decur, idi dueh minggu kinioneh ieh mangun ku gani', maya' kudeng acing bulan luk inanneh pekalai. Pangeh ineh do' ieh mudeng teh anem ngepulu' anem aco kinioneh, pad mabud aco luk inanneh uen ngeligan.

⁶ “Idi kareb petap aco luk inanneh uen ngeligan, ngaceku anak deléi kian decur ineh, idi do' ieh nguit kuan imam aceh anak dumba luk ulunneh selak luk barén sabpen, idi aceh anak suit limun kian suit sukur luk barén ngaceku sala', pa atun tanga' Lepo su luk inan papu' Tuhan.

⁷ Idi imam maré ineh pa kiung Tuhan, idi nganau' luk nguit pedo' kuanneh. Idi ieh meligan ratnan dara'neh. Kudeng ineh ukum kuan decur luk nenganak anak deléi, kian decur lek.

⁸ “Kudeng decur ineh na miak maré aceh anak dumba, do' ieh maré dueh suit sukur, kian dueh suit limun lek. Idi sebuleng barén sabpen idi sebuleng barén ngaceku sala'. Idi imam ineh nganau' aceh luk nguit pedo' kuanneh, pad ieh meligan.”