PUDUT 5 - BALA LUK DO'

Inul Adam

¹ Ini surat anak inul Adam. Kareb Tuhan Allah nenganau' lemulun, Ieh nemudut neneh maya' ayuNeh sebuleng.

² Idi Ieh nenganau' nedidueh ku deléi idi decur, idi Ieh nengeperuan nedidueh, idi Ieh nenganau' ngadan didueh “Lemulun.”

³ Kareb ulun Adam 130 lak, idi ieh nenginul aceh anak deléi mepad kudeng ayunéh, idi ieh neneten ngadanneh Set.

⁴ Muci ratnan ineh Adam mulun 800 lak, idi ieh nenginul tuda'-tuda' anak teh.

⁵ Kareb Adam naté, ulunneh 930 lak.

⁶ Kareb ulun Set 105 lak, idi ieh nenginul Enos.

⁷ Idi muci ratnan ineh, idi Set mulun 807 lak, idi ieh nenginul tuda'-tuda' anak teh.

⁸ Kareb Set naté ulunneh 912 lak.

⁹ Kareb ulun Enos 90 lak, idi ieh nenginul Kainan.

¹⁰ Muci ratnan ineh, ieh mulun 815 lak, idi ieh nenginul tuda'-tuda' anak teh.

¹¹ Kareb Enos naté, ulunneh 905 lak.

¹² Kareb ulun Kainan 70 lak, idi ieh nenginul Malalel.

¹³ Muci ratnan ineh, Kainan mulun 840 lak, idi ieh nenginul tuda'-tuda' anak teh.

¹⁴ Kareb Kainan naté, ulunneh 910 lak.

¹⁵ Kareb ulun Malalel 65 lak, idi ieh nenginul Yarid.

¹⁶ Muci ratnan ineh Malalel mulun 830 lak, idi ieh nenginul tuda'-tuda' anak teh.

¹⁷ Kareb Malalel naté, ulunneh 895 lak.

¹⁸ Kareb ulun Yarid 162 lak, idi ieh nenginul Enok.

¹⁹ Muci ratnan ineh, Yarid mulun 800 lak, idi ieh nenginul tuda'-tuda' anak teh.

²⁰ Kareb Yarid naté ulunneh 962 lak.

²¹ Kareb ulun Enok 65 lak, idi ieh nenginul Metusala.

²² Muci ratnan ineh Enok perurum dengan Allah 300 lak, idi ieh nenginul tuda'-tuda' anak teh,

²³ pad macing ulun Enok ineh 365 lak.

²⁴ Idi Enok ineh perurum dengan Allah ruked ulunneh, idi ieh na idi peh, ngaceku Allah nengalap neneh.

²⁵ Kareb ulun Metusala ineh 187 lak, idi ieh nenginul Lamék.

²⁶ Muci ratnan ineh, Metusala mulun 782 lak, idi ieh nenginul tuda'-tuda' anak teh.

²⁷ Kareb Metusala naté ulunneh 969 lak.

²⁸ Kareb ulun Lamék 182 lak, idi ieh nenginul aceh anak deléi.

²⁹ Idi ieh neneten ngadanneh Noh, kebalaneh, “Anak ini luk miak ngubuk netau bang erur tau idi bang ét ticu' tau ngaceku ratnan tana' ini luk pangeh kidiman Tuhan.”

³⁰ Idi muci ratnan ineh, Lamék mulun 595 lak, idi ieh nenginul tuda'-tuda' anak teh.

³¹ Kareb Lamék naté ulunneh 777 lak.

³² Kareb ulun Noh 500 lak, idi ieh nenginul Sem, Ham, idi Yapet.